Nitin thla kan cam a tul November 11, 2020

Nitin thla kan cam a tul

November 11, 2020

          Mipi pawl thawn tonawknakah Pope Francis in thlacam ringring nakih a thupit nak Bawi Jesuh ih tahthimnak pathum an rak ruat tlang. Pope Francis in tlawngkai nithum ni thlacamnak ih Pathian thu zirh nak tuah bet nakah thlacam nak, zuamnak ih thil ti thei nak kha thupit in a rak zirh.  Pope Francis in, “Bawi Jesuh a mah rori in catbanglo ih thlacamnak cu tahthimnak cu zuam zet in tuah taktak nak thawn a rak hmuh,” tiah a sim.

Catbanglo thlacamnakih tahthimnak pawl

          Pope Francis in thuruahnakah Catholic Pawlpi ih thuzirh nak cu lang ter in thlacamnakih tahthimnak pathum a rak hmu. Zaan tim caan ih ruah ban lo ih a rak thleng tu mikhual tahthimnak ah thlacam kan zuam a tul thu an zoh tlang. Kan tul mi pawl Pathian in a thei theh. Ngah lo theih lo ih dil nak cu Pathian ruah nak pek nak (a si lo le) Pathian cohlang ih zum a tul lo. Asinain, kan mai duh nak le ruahsannak thanglian ter a tul. A dik lo mi thuthentu tahthimnakah kan zumnak cu mal te sung hril nak a si lo. Asinain, that lo nak tuah nak le thu dik lo tuah nak hrial lo in Pathian thawn elawknak tiang Pathian hnenah thlacam dingih ralthabik mi thu boh cat nak a si.

          Pharisee le siahkhongtu tahthimnakah Bawi Jesuh in Pathian cu mi puarthau pawl ih thlacamnak a cohlan lo thu, a sinian, mi tangdor pawl ih thlacamnak cu Bawipa in a cohlan thu,” a rak sim. Pope Francis in, tangdor nak um lo cun a dik mi thlacamnak khal a um lo,” tiah a rak sim.

Catbanglo ih thla kan cam a tul

          Pope Francis ih Pathian thuthangtha zirh mi cu a fiang zet. Ziang hmuahhmuah cu zianghman an si lo tiih ruah ban ding tiang cat bang lo ih thla kan cam a tul. Thlacam ding a har ih Pathian in kan thlacamnak aw a cohlang lo tiih ruah ding tiangin thlacam zuam a tul. Cu vek ih harsatnak ton caan zaan pawl ah thlacam tu pawl cu ziang tik hmanah pakhat lawng an si dah lo ding. Bawi Jesuh cu thlacamtu pawl thawn a um ringring. Bawi Jesuh thawn “Bawi Jesuh” ah thlacam dingih sawm le hmuah ringring mi kan si. Bawi Jesuh ih thlacamnak le pehtlaihnak neih nak cu “mi pakhat ih thlacamnakah a mai a neih duh mi pawl a pek ringring,” tiah Pope Francis in a rak sim.

Thla a cam tu Christian cun zianghman a tih lo

          Pope Francis in Pathian hnenah zumnak ih saam a si mi Saam 91 ih a um mi tonfang pawl a rak sim fiang. Khrih Jesuh ah hi mangbangza thlacamnak cu a rak famkim ih cui Bawi Jesuh ah a mai a famkim mi thudik hawl hmuh a theih. Khrih hnen siar lo tha suah ih thla kan cam nak cu milai pawl ih zuamnak a mal ter thu ralrin nak a rak pek. Asinain, “Bawi Jesuh” in minung pawl ih thlacamnak cu mah le mah a cohlang aw.

          Hi thuthang cu Vatican thuthang ih kan don mi a si.

https://bit.ly/36IljOP