Nu le pa pawl thawn then aw in mi harsa pawl um nak hmun ih a feh ding mi unauli Pope Francis in tha a rak pek September 7, 2021

Nu le pa pawl thawn then aw in mi harsa pawl um nak hmun ih a feh ding mi unauli Pope Francis in tha a rak pek

September 7, 2021

         Pope Francis cu mi harsa pawl umnak ah a thleng ih cibai a rak buuk. Cui hmun ah inn le lo nei lo 100 hrawng an um ding tiin an ruat. Cu tiin Pope ih cibai a buuk nak cu video in an rak zuk. Pope in mi harsa pawl cu kan dung tlawngkai nikhat ni ah va tongin cibai a rak buuk. Hi harsatnak pawl sungin Afaghan in unauli an tel ih an kum cu 14 in 20 karlak an si. An mah cu Sant’ Egidio Catholic Kohhran mipi pawl pawlkom ih bawmnak thawn Afghan in Italy ih a thlennak a si.

          An mah cu an pate in a kilkhawi hai ih an pate khal Italy ah kan dung kum rei lo te ah a rak thleng. Hi mi nunau lite pawl cu an nu le pa pawl in Iraq mi harsa pawl umnak ah an rak tanta in an rak tlan. Cu mi unau 4 te sungin upabik, Bismillah in tu vek in Pope ih thaten a hmuahnak, an tuar mi a ngai sak nak le a ngaihven nak a thupit thu, Pope a umnak cu hmailam caan ah an hnenih ruahsannak thar a pek thu a rak sim.

          Mi harsa pawl thawn tonawknak cu Laudato Si’ Foundation pawlkom ih timtuah mi a si thu, director cu Evgeny Afineevsky a si thu Vatican thuthang zung ih lamhmuhtu Matteo Bruni in a rak sim.

Mi harsa pawl Pope ih hnemnak

          Pope cu mi harsa pawl umnak hmun ah a feh ih a rak zoh. Cui unau li pawl cu Afghan ihsin kan dung zarh pawl ah Italy ih a thleng tu mi harsa 20 pawl sungin an si. An mah pawl cu duhdawtnak thawn a khat mi tongkam thawn hnemnak a rak pek. Mi harsa pawl thawn an tonawk hnu ah Pope cu a umnak, Santa Martha tlawngah a rak tlung sal.

          Hi thuthang cu Aleteia thuthang ih kan ngah mi a si.

https://bit.ly/3DVurzv