Nunau pahnih le mipa pakhat cu Mithianghlim sinak pe thei dingah cekfel dingin lungkimpi

Nunau pahnih le mipa pakhat cu Mithianghlim sinak pe thei dingah cekfel dingin lungkimpi

         Pope Francis in Maria Cristina Cella Mocellin le Enrica Beltrame Quattrocchi nunau pahnih thawn Placido Cortese cu Mithianghlim pawl ih khaisannak hrangah a tulsam mi cekfel nak tuah thei dingah lungkimnak ca a rak suah sak. Maria Cristina Cella Mocellin cu nu pakhat a si ih Italy mi a si. A mah cu 1995 ah a nunnak a rak cem. A thih ah a kum 26 lawng a si lai. Kum note ih a rak thihnak cu nau a von lai ah cancer nat a nei ti an rak thei ih tuamhlawmnak rak lak a tul. Asinan, cancer natnak damter tu sii cu a tha a tam tuk ruangah a nauvon mi siatsuah ter an duh lo. Nunnak liam ter an duh lo ruangah Kimo sii thun mi damternak khal an rak cohlang lo.

         A nunram cu Chiara Corbella thawn an bang aw. Hi mi nunau khal a kum 28 ah a nunnak a rak cem. An pahnih ten dinhmun bangaw mi an si. Tu ah cun Chiara Corbella khal Mithianghlim ih khaisan ding ni a nai deuhdeuh. Enrica Beltrame Quattrocchi ih nu le pa pawl cu Mithianghlim pawl an si. A nu le pa pawl cu 2001 ah Pope St. John Paul II nak in Mithianghlim ih a rak khaisan mi sungkua in an si.

         A mah cu 2012, a kum 98 ah a rak thi. A mah cu Mithianghlim a si mi nu le pa pawl ih fanu a si vekin a um tlan daan a rak tlaitluang zet. A mai nunram cu sumpai lam an nei tuk lem lo nan zaangfah nak hnatuan tuan phah in midang pawl rak bawm tu a si.Tu vek in a nunram a rak khuasak ko nan a mah cu professor pakhat a rak si. A mah rori in pumcawmnak harsa zet in a rak hawl ih a mai netabik caan tiang a mah hnakih dinhmun sia ih a um rero tu pawl a rak bawm.

         An mah thawn Croatia ram ih Placido Cortese khal Mithianghlim ih khaisannak ih cekawknak tuah dingah co hlannak a ngah. A mah cu Gestapo Nazi Germany san lai ah ralkap pawl in sual nei lo pawl dik lo in hremnak le thahnak a rak tuar tu pawl a ti thei tawkin a rak bawm ih a run ruangah kaih a tuar ih cekawknak ah hrem a tuar ih nunnak rak cem tu a si.

         Hi mi thuthang cu CDMCS Macau thuthang ih kan ngah mi a si.  

https://www.youtube.com/watch?v=ChDhFILN5VI