Nunram ti mi cu Pathian ih laksawng a si ti mang cio uhsi tiah Pope Francis in sim. (May 23, 2022)

nunram_ti_mi_cu_pathian_ih_laksawng_a_si_tiah_pope_francis_in_sim

Nunram ti mi cu Pathian ih laksawng a si ti mang cio uhsi tiah Pope Francis in sim. (May 23, 2022)

         Rome khuapi ih rak tuah mi nauthlaknak le humhimnak tuah mi dodalnak ih rak tel tu pawl hnenih a lungawi thu, mipi hmai ah Angelus thlacam thehah Pope Francis in a rak sim. Milai nunram khaisang dingah ap aw tu pawl le humhimnak ah mai tuanvo rak tuah tu pawl nan parah ka lungawi tiin Pope Francis in a rak sim ih nunram cu Pathian ih laksawng a si ruangah upat hleice dingah le humhim dingah khal hngetkhoh zet in lam a rak hmuh.

         Tui caan ah riahsia zet ih kan hmuh mi cu minung pawl ih ruahnak pawl a thleng aw ih mai nunram mai ta a si ruangah mah duhduh ih hrin theinak le humhim theinak mah rori ih hril thei mi mai kut sungah a um ti mi ruahnak hnenih a feh rero thu Pope Francis in a rak langsar ter.

         Cui hnu ah China ram ih um Pawlpi hrangah thlacam sak dingah le cui sun ih Mithianghlim ih rak khaisan mi St. Pauline Jaricot mangsal cio dingah a rak sim. Pauline cu Pawlpi karhzainak pawlkom a liam zo mi kum 200 hrawngih rak dintu France mipi menmen nunau pakhat a si tiah a sim.

         Hi thuthang cu Rome Reports thuthang ih kan ngah mi a si.

https://bit.ly/3QhdK7S

Add new comment

12 + 3 =