Nuntu ziaza thawn a famkim mi ram pawl cu hriamhrei an zuar lo tiin Pope Francis in tlawngta pawl a sim. May 20, 2021

Nuntu ziaza thawn a famkim mi ram pawl cu hriamhrei an zuar lo tiin Pope Francis in tlawngta pawl a sim.

May 20, 2021

            Pope Francis in Argentina ram ah Archbishop dinhmun ih a um lai ah a rak thok mi Scholas pawl ih a lai fan nak ah a rak tlawng.

            Scholas cu tlawng pawl kom mi pakhat a si ih ram sung le ram tinkim pawl pehtlaih awk nak a um mi pawlkom khal a si. Hi mi pawl cu ram, miphun, nunphung, Biaknak lam a bang aw lo mi mino pawl karlak ah khat le khat nel awk nak le upat nak um dingah tumtah ih pawlkom din mi a si tiah a sim.

            Pope Francis thawn tonawknak ah leitlunhuap ih tlawngta pawl in an hmuhton mi pawl an rak hlawm. Covid tikcu caan ah an mah cu Italy ram, Valerio hmun vek a si mi pawl ah mah te lawng um nak a tuar rero tu tlawngta pawl cui harsatnak pawl pahsuak thei dingah a rak bawm thei.

            Scholas cu leitlunhuap continent 5 ah a karh ih mipi pawlkom pawl khal an rak tel. Cui thurelkhawmnak ah Australia, America le Spain ram ih tlawngta pawl in online in an rak tel.

            Ramkhel thawn pehpar in tlawngta pawl hnenah Pope Francis in thu a rak suh mi cu: Nan hriamhrei nan phorh maw? Nan lian nak cu hriamhrei lei nak ah hmang in midang pawl thawn mah le mah nan that aw maw? Hi vek ih thusuhnak pawl cu ruah nak thawn ram tinkim cu nuntuziaza thawn a famkim mi ram a si maw? ti nan hmu thei ding tiin a rak sim.

            Cui hnu ah cun Scholas pawlkom bawm tu zaten, tim a tuah sak tu pawl zaten Pope Francis in lungawi thu a rak sim.

Hi thuthang cu Rome Reports thuthang ih kan ngah mi a si.

Photo courtesy of: Google Images

https://bit.ly/3oHul7z