October 14, tlawngkai nithum ni mipi pawl thawn tonawknakih Pope Francis thusim mi October 14, 2021

October 14, tlawngkai nithum ni mipi pawl thawn tonawknakih Pope Francis thusim mi

October 14, 2021

          Saam hlabu sungih thlacamnak pawl vek asile Pathian ih thinlung saangkaa cu kan mah minung pawl harsatnak kan ton caan pawl ah a on thu tette hmuh a theih tiin Pope Francis in sim. Pope Francis in kan dung Zarh ih a rak zirh mi thlacamnak thuhla cu a rak ruat sal ih tui Zarh ah cun Saam hlabu parah thupit in a ruat. Thlunghlun zate sungin Saam hlabu cu ‘thlacamnak thawn pehpar in siar theih lo tlukih a tam mi mipa, nunau pawl ih thazaang lak nak hmun’ tiah a rak sim.

Ziangtin thla kan cam ding?

          Saam hlabu sung asile minung pawl ziangtin thla an cam ti hmuh a theih. Saam hlabu sungah minung pawl ih tuar mi pawl le thlacamnak pawl hmuh a theih. Lungawinak, zumnak thamalnak, ruahsannak, harsatnak tivek kan nunramah kan parih a thleng mi thlacamnak aw pawl cu Saam hlabu sungah hmuh a theih. Hi vek milai ih tuarnak pawl thawn a khat mi Saam hlabu cun a siar tu pawl in Pathian ziang tin thangthat ding, ziang tin lungawi thu sim ding, ziang tin kan dil ding ti mi thlacam daan pawl kan thei ding a si.A tawi zawngih sim asile Saam hlabu cu kanmah minung pawl in Pathian kan sim ding mi Pathian ih hman mi tongkam a si. Saam hlabu sungah hmuh a theih mi thlacamnak pawl cu kaih a theih lo mi ruahnak idea in a suak mi silo in a taktakih hmuh theih mi milai nunramih hmunton mi pawlih a cang mi thlacamnak pawl an si. Saam hlabu thawn thlacam ding cu tui ton rero mi dinhmun thawn thlacamnak a si.

Harsatnak pawl par ih thusuhnak

          Saam hlabu ngan tu-in harsatnak thlennak parah, harsatnak a thlennak cu nunram ih thenkhat hmuh a theih mi parah, harsat tonnak cu thusuhnak ih thlengnak parah Pope Francis in a rak si. “Harsatnak ton tin ten ruah mi cu ziangtik tiang hi harsatnak kan tuar ding?” ti mi thusuhnak vek, harsatnak ton tinten luatnak, riahsiatnak mitthli a tlak tinten hnemnak, lungnomnak ngah kan duh. Hriamhma tinkim in damnak ngah a tul vekin sual tuah ngah mi zate khal in sual thlahnak, rem awk nak a tul.  Nunram ah harsat tuarnak pawl dam ter hlan lo nunram in rundamnak a ngah thei lo ti mi Saam hlabu in teette a hmuh tiin Pope Francis in a sim.Thlacamtu pawl cu Pathianih hmaiah man an nei. Curuangah harsatnak ton caan khalah tahnak thawn thinlung sungih um mi vekin Pathian hnen tumtah in sim thiam le thlacam thiam a tul.

Thlacamnak ti mi cu Pathian hnenih aihram nak a si.

          Pathian hnenah thlacam phah in tahnak cu ‘rundamnak ih pakhat lawng a si mi lamzin a si vekin rundamnakih thawhnak’ khal a si thu Saam hlabu in in hmuh. Harsatnak toncaan ah thlacamnak cu tuar rero mi natnak pawl Pathian thawn pehtlaihnakah a can ter. Bawmnak dil in tahnak aw ngai sak dingih ruahsannak a si. Pathian hrangah minung pawl ih tuar mi natnak cu a sunglawi tuk. Pathian hmaiah kan nih cu mikhual kan si lo vekin tuar nak a nei lo mi numbat khal kan si lo. Kan nih cu thinlung le hmel kan nei cio ih Pathian in kan mah pakhat ciar cu kan hmin in in thei.

Pathian ih saangkaa cu a ong aw ringring

          Saam hlabu sungah natnak ih a sannak cu zumtu pawl in kan hawl theu. ‘Milai khat le khat kan kham awk theu ko nan Pathian cun mi tinkim hrangah saangka in on sak ringring. Leilung pumpi cu relsiat awk nak thawn a khat nan Pathian hnenah cun rundamnak thluasuah a um. Buainak pawl cu ziangtik hmanah a reh lo ding ti cu thlacam tu pawl in an thei cio ko ding. Asinan, thlacamnak thawngin buainak pawl kan tuar deuhdeuh. Kan mah thawn Pathian tla a tap ve. A tawi zawngih sim a si le thlacamnak cu harsatnak a tuar tu kan mah bawmnak ah a can ter. Pathian ih fa le pawl kan mah pakhat ciar ih tahnak aw cu thlacamnak thawngin Pathian hnenah a thleng. Pathian hnenah catbang lo ih thlacamnak, biakawknak thawngin kan harsatnak pawl ihsin kan luat thei lo nan thlacamnak ruangah thatnak pawl thawn a khat mi hmailam caan hrang lam in sial sak. Thlacamnak thawngin thinlung diriamnak kan ngah.

          Hi thuthang cu Vatican thuthang ih kan ngah mi a si.

https://bit.ly/3lFqsA6