Parish pawl cu mimalte hrangih club a si lo tiah Pope Francis in sim.

Parish pawl cu mimalte hrangih club a si lo tiah Pope Francis in sim.

          February thla hrang thlacam tumtah mi parih video thawn thu a sim nak ah Pope Francis in Parish pawl cu thungainak pawlkom pawl si dingah le zohman hnong lo in mizapi hrang sangkaa on in cohlang dingah zaangfah a rak dil.Parish pawl cu mankhung zet mi club pawl an si lo. Video sungah, a lenglam ih mawi zet mi zuk thawn thok mi, Pawlpi Parish um lo mi, cui Biakinn thotho ih tel mi mipi pawl hnenah Pope Francis in, “Parish pawl cu ukawknak lam tel lo in pumkhat a si mi pawlkom pawl, mipi pawl ih thupit mi, Sacrament pawl hmuh theih mi laksawng umnak hmun pakhat naihniam a tul tiah a rak sim.

          “Veikhat veihnih ah ‘zalen zet ih luhnak’ ti mi Parish pawl ih saangkaa ah hminsinnak pakhat kan ret a tul, tiah ka ruat,” tiah a rak sim. Pope Francis in kan zaten ralrinnak in pek duh mi cu luhnak hrangah hleice tak ih tulsam mi pawl a um lo. Ziangah tile “Parish pawl cu nunphung lam ih neih mi vek cekci pakhat pek mi, mi malte hrangah club pakhat a si lo,” ti a si.

          Hi ruahnak cu kan zaten langternak, tong mi pawl, a tul hleice mi pawl hnenih darhnak, kum upa le mina pawl vehnak, a langhngan mi nomnak pawl le sunglam lole lenglam caanserh pawl leitlunhuap ih Parish pawl ihsin suak mi video sungih zuk pawl in in thei ter.

Style fate mi pawlkom pawl ruahsalnak.

          Video sungah, Pope Francis in cohlannak, le thungainak ih thupi zet mi lamtluan pehnak ah parish pawl ih hi ruahnak parah “tlawnginn lam hnatuan le hnon mi pawl hnenih saangkaa pawl onsak ringring nak thawn tirhsiannak ah an can sal a tul. Cule a tel tu pawl hnenah, mizapi hnenah, tiah a rak sim.

          Pope in Catholic pawl cu Bawipai Thi le Sa retnak, mipi pawl ih Bawipai Thi le Sa sannak, Pathian hnen hlan aw tu pawl ih Bawipai Thi le Sa sannak in center ah zumnak pawlkom pawl cang dingah pawlkom le a tulsam bik mi pawl hmuahnak thawn kan mai a fate mi pawlkom style ruat in kan tuah ngam a tul.

          Pope Francis in mipi pawl thawn Pawlpi naihniam dingih tuahnak ah a mai Apostolic Exhortation Evangeli Gaudium sungah, “a fanu le a fapa pawl ih inn lakih khuasak mi Pawlpi” in danglamnak an nei tiih a simnak ah a mai pontificate thoknak a rak tarlang ih curuangah “mipi pawl thawn pehtlaihnak um lo mi hman tlak lo mi dinnak lole mi malte hril mi sungin mah le mah tang dingih tuah mi pawlkom dinnak ih thupitnak a rak langsar ter.

          Hi thuthang cu RVA thuthang ih kan ngah mi a si.

https://bit.ly/3kYqa9q