Pathian in catbang lo in mi tinkim a ko. September 20, 2020

Pathian in catbang lo in mi tinkim a ko.

September 20, 2020

         Zarhpi ni, Angelus thlacamnak hmun in Pope Francis in “Sabit hmuan hnatuantu pawl” tahthimnak ruat tlang in Pathian thuthangtha a rak sim.

         Zarhpi ni ih Cathianghlim ruah tikah Pope Francis in Sabit hmuan ih um mi hnatuantu pawl thawn pehpar in Bawi Jesuh ih tahthimnak leiram neitu ih lungput pahnih a rak hmuh.

Mitin kawh nak

         Bawi Jesuh in a mai Sabit hmuan ih hnatuantu pawl cu “mai inn in a leng ih suak dingih a kawh” mi leiram nei tu thu a rak sim. Pope Francis in “Hi hmuan nei tu cu mitin a ko tu Pathian ih ai a awh thu, tu ihsin Pathian in hi vek ih a tuah vek in kan nih khal milai pawl khui tawk khal ah um hman hai seh la an mah hawl in kawh nak thawn hi mi tidan cawng dingah in kawh thu Pope Francis in a rak sim.

         Pope Francis in a sim bet mi cu “Hi mi in ram leng ih a um tu pawl hnenah ruahsannak a pek ih leilungpi a tleu ter ding tumtahnak a si thu, Pawlpi in Pathian vek in mai um nak hmun in a leng ah pot in hawl ih kawh a tul thu, hi vek ih tuah tikah pawlpi a dam lo thu a ti duhsan a si,” tiah a rak sim.

         Pope Francis in a sim bet mi cu pawlpi cu mai um nak innsungah khum in dam lo ih um hnak in harsatnak sungin Pathian thuthangtha phuan nak cu a that sawn thu a rak sim.

         Pathian cu mi duhdawttu Pa pakhat a si vek in a um nak ihsin a leng ah pot in a fa le pawl a hawl ih pawlpi khal in cu vek in milai pawl ko dingah mai um nak inn in pot a tul.

Thudik thlun in

         Leiram nei tu ih a pahnih nak lungput cu Pathian ih hnatuan nak a lang ter. Hnatuantu pawl hnenah an tuan man pawl a pek tikah leiram neitu in ziangtluk ih an tuan khal le an zaten bangrep in hnatuan le hnatuan man lawng si lo in Pathian ih ram le Vancung ih um kan Pa ih that nak thu a rel thu” kan theih fiang dingah a sim nak a si.

         Pope Francis in a sim bet mi cu “Pathian cu tikcu caan le tuanman pawl a zoh lo. Cu ai ah a rian tuan nak ah mah le mah pum pek awk nak le tirhsiannak a zoh.

 Pope Francis in hi vek ih a tuah nak cu thudik luan in thluasuah lang ter ding ti mi lungput a neih ter thu a rak sim.

         Mai that nak hrang a rinsan tu pawl cu netabik ah an cang ding ti mi cu Pope Francis in a rak sim fiang.

Leiram le Sabit hmuan

         Pope Francis in “A thianghlim mi Mary cu kan biak Pathian ih tualrawn a si mi hi leitlun le hmuan a si mi Pawlpi ih hna tuan dingah tuanvo pek nak ih a maksak mi lungawinak tep thei dingah in bawm hram seh.

         Kan zate hrangah ziang tinkim cu Pathian ih duhdawtnak, Bawi Jesuh thawn nel awk nak ngah thei dingah thla a rak cam ih Angelus ih thuthangtha a sim mi cu a rak cawl. Hi thuthang cu 20 September 2020 Vatican thuthang ih kan don mi a si.  

https://bit.ly/301HxZO