Pathian cu a fial mi pawl hnen ihsin that nak a myat kha a ruahsan. Octoer 4, 2020

Pathian cu a fial mi pawl hnen ihsin that nak a myat kha a ruahsan. Octoer 4, 2020
    Pope Francis in Gospel Cathianghlim a zoh sal nak ah, "tui ni khal ah Pathian in a Sabit hmuan ih sabit rah a ruah san thu," thuk zet in a sim. 
    St. Peter tualrawn ah a khawm aw tu mipi pawl hnenih thu a sim nak ah Pope in cui ni ih Mt 21:33-43 sungta Gospel Thuthangtha ih a phuan mi a thlawhlo mi Sabit hmuan kiltu pawl ih tahthim nak kha a ruat sal. 
Tahthimnak
    Pope Francis in Bawi Jesuh ih tahthimnak sungah hmuan neitu in a Sabit hmuan cu a sang tu pawl hnenah a ap ih khual a tlawn thu a sim. Sabit laak caan a cuut tikah hmuan neitu in sabit rah pawl khawm dingah a sal thenkhat a thlah. 
    Asinain, sabit hmuan kiltu pawl in a sal pawl hmuhsuam nak thawn an rak hmuak ih thenkhat cu an that. Hmuan neitu cun sal tamdeuh a thlah  sal ih cu pawl khal Bawi Jesuh vek in an rak that. 
    Netabik ah hmuan neitu in a mai fapa rori a thlah nain cu pawl cun "hmuan neitu cu upat lo in an engtai ih a mah an thah nak in Sabit hmuan an la theh ding tiin an ruat ih a fapa khal an that," tiin a sim. 
Tahthimnak simfiang nak
    Pope in "Sabit hmuan cu Pathian ih hril mi minung pawl ih ai a awh thu, sal pawl cu Pathian ih a thlah mi Profet an si thu, hmuan neitu ih fa cu Bawi Jesuh a si thu," a sim fiang. 
    Profet pawl an hnon vekin Bawi Jesuh khal hnonnak le thahnak a tuar thu Pope in a sim. Thuanthu ih a cem nakah Bawi Jesuh in hotu pawl cu "Hmuan nei tu pa a rat tikah cui hmuan a sang tu pawl cu ziangtin a tuah ding tiah nan ruat," tiah a sut. 
    Annih in "Cu bangtuk mi tha lo pawl cu a that dingih a covo hman te ih a pe thei tu ding midang hnenah a hmuan cu a san ding," tiin an sawn. 
    Pope Francis in "A tha lo zet mi tahthimnak a si thu a sim. Bawi Jesuh in thu a sut tu pawl ih tuanvo pawl thawn a pahsuak ih felfai zet in a tuah," tiin a sim. 
    Hi mi nunsimnak cu "Ziangtik caan khal ah hman a tlak. Tu ni tiang Pathian in a thlah mi pawl hnen in Sabit hmuanih a sabit rah pawl a hngak rero thu a sim. 
    Ziang vekih kum u pa nauta khal siseh la Pathian miphun lakah sinak a nei tu pawl cu Pathian ih hnatuan dingah si lo in mai hrang lawngih tuan dingah forhfial nak an tuar theu," tiin Pope in a sim. 
    Thu neitu pawl cu hnatuan tu lawng an si ih mi tinkim ih that nak hrangah le Gospel Thuthangtha karh zai ter dingah hman a tul thu sim phah in a thuthangtha sim nak cu a cawl a si. 
    Hi mi thuthang cu Octoer 4, 2020 ah Vatican thuthang ih kan ngah mi a si. 
https://bit.ly/3iuLuwj