Pathian hnatuannak ah ruahban lo mi pawl tiangih tuah a tul tiah Pope in sim June 23, 2021

Pathian hnatuannak ah ruahban lo mi pawl tiangih tuah a tul tiah Pope in sim

June 23, 2021

          Pope Francis in tlawngkai nithum ni mipi pawl thawn tonawknak ah Galati Pawlpi sungih St. Paul ih a rak ngan mi Cathianghlim sungta sirhsan in a rak sim.St. Paul in a mai thlengawknak le Bawi Jesuih riantuannak hrangah a nunnak hlan dingih thu a bohcatnak cu kan mai kan theih thei nak dingah tahthimnak pawl a thusimnak ah a hmang tiin Pope in a sim.

          Zalennak, thlasuah le Khristian nunram vek ih a thupi zet mi pawl cu ‘kan mai san ah Diocese lam pawl thawn pehpar nak a nei’ tiah sim in a mah cu St. Paul thei sin sin ding lawng si lo in Pathian thuthangtha ih mawi zia langter dingah a thupi zet mi thubohcatnak a petu ca pakhat a si tiah a rak langsar ter.

St. Paul ih Dungthluntu hnatuannak

          Galati cakuat sungin hmaisabik ih a lang hngan mi cu Paul ih rian a tuan sungah a malbik veithum a rak thlennak upat sunloih tlak zet mi Pathian thuthangtha simnak a si. Thuthangtha thawn pehpar in St. Paul ih a tumtah mi hmun le ram le cui ca a rak kuat nak pawl cu Anatolia hmun le Turkey ram ih um Ancyra khuapi ih a um tu pawl an si thu, St. Paul cu a dam lo ruangah cui hmun ih a rak um thu a rak sim fiang. Asinain, Luke in thlarau lam ih thangphok nak a lang ter. An mah cu Frizia le Kalatia ram pawl ih an feh lai ah Asia ram ah thuthangtha sim dingah Thiang Thlarau in a kham’ tiah Dungthluntu 16:6 sungah fiang zet ih kan hmu thei.

          Pope in hi mi pahnih cu a kalh aw mi an si lo thu le ‘Cathianghlim phuannak lamtluan cu kan mai duhnak le caanserh pawl par ah si lo in mah le mah rem aw dingah hmuhcia lo; theih cia lo mi a dang lamtluan ih feh thei dingah thinlung duhnak neih ding a tul’ tiah a sim bet. Pope in ‘St. Paul cun a mai Pathian hnatuannak ah Kalatia lam tluan ah pawlkom fa te tampi a rak din thei cu kan hmu thei’ tiah a sim.

Harsatnak pawl lak ah thlaphan nak

          Pope in thlaphannak pawl a um ti a rak lang ter. St. Paul in Diocese a din hnu ah Jew Biaknak in diocese sungih a lut tu Khristian hrekkhat pawl in a mai zirh mi dodal in theory pawl an rak thawh kha hmuh a theih. An mah pawl in Moses thukham vek in miphun dang pawl khal serh tannak la cio dingah le Kalatia miphun pawl in an mai nunphung thawn pehpar mi hminsinnak tansan in Jew pawl ih cin le daan pawl cohlan a tul tiah an el aw ciamco.

          Cui hlei ah St. Paul a dodal tu pawl khal in St. Paul cu dungthluntu taktak a si lo ruangah Pathian thuthangtha phuan thei nak a nei lo tiah an rak ti. Rome ram uk tu Siangpahran ih kuthnuai mi le sal ti vek mai thuanthu sung tel ding hnak in, Bawi Jesuih a rak ken mi rundamnak thuthangtha cu nunnak thar thawhnak a si thu hmu thiam vivo in a zumtu Kalatia miphun pawl ih hi harsatnak pawl karlak ah a tunghmun lo mi pawl an thinlung sungah a khat ding tiah Pope Francis in a rak sim.

Tui san khal ah a um rero lai

          Pope Francis in cui dinhmun cu san ti luan ih zir in a thupi bik in, pehtlaihawknak thar pawl hmang in Jesuh Khrih ih thuthangtha phuang lo in ‘thudik a kilhim tu pawl’ tiih mah le mah a ti aw rero tu Khristian Pathian thu sim tu saya/sayamah pawl an um rero lai. Cu pawl cu a hlan nunram tu le tu phorhsuak a tuar tu a dik mi Khristian Biaknak a rinsan tu pawl an si thu hngetkhoh zet in a rak nemhnget ih tui san ih harsatnak pawl felfai ter dingah le zumnak dik hlo ter lo dingah a hlan ih kirsal nak a si ih tui san khal ah ‘a hlan ih thlun mi pawl ih ngah mi hrekkhat pawl le mah le mah nel aw nak ah hnaihnok nak pawl a um’ tiah a sim.

          Pope Francis in Kalatia ram mi pawl hnenah Paul ih ca a kuat mi sungih thu a zirh mi ah ziangvek lamhmuhnak dung thlun ding  thei thei  dingah in bawm thei ding. Cui lamtluan cu ‘Thinglamtah parah thihnak tuar in a thosal tu Bawi Jesuh ih thawhsal nak le kumkhua a thar mi lamhmuhnak’ a si thu a rak sim. Hi mi cu tangdornak le unau thinlung neih nak thawn a hlawhtling mi tlangau nak lam tluan a si. Tangdornak le thungainak a um  mi zumnak lamtluan a si. Thiang Thlarau cu Diocese sungih moi tinkim hnenah a cangvai rero ti cu a fiang zet’ tiah Pope Francis in a rak sim.

          Hi thuthang cu Vatican thuthang ih kan ngah mi a si.

https://bit.ly/2UGPuE5