Pathian ih zaangfahnak cun milai nunnak upat thiam dingah mi thinlung a thleng sak thei tiah Pope Francis in sim. (March 07, 2022)

Pathian ih zaangfahnak cun milai nunnak upat thiam dingah mi thinlung a thleng sak thei tiah Pope Francis in sim.

(March 07, 2022)

         Pope cu kan dung July 04 ih rak cang mi methal kahnak ruangah nunnak a liam tu pawl ih sungkua pawl hnenah Chicago archdiocese ih Cardinal hnenah Blasé Cupich ah thlacam in a rak hnem. Cui kahnak cu America ram, Chicago khuapi lengah a rak cang. Pope ih sim mi ah ruahsan dingah a sim. A mah in Pathian ih zaangfahnak a si mi a sawn lo mi zumnak cun a hngetkhoh mi thinlung pawl ah a thleng sak thei tiah a rak sim.

         A sim mi sungah Pope Francis dinhmun in Highland hmuah ah ralring lo ih kahnak ruangah a riahsiat thu, cui thilcang ah siatsuah rak tuartu innsungsang pawl thawn nai te ah a um ih thla a cam sak ding thu, hi vek a can nak hmun ih pawlkom zate pawl thawn ziangkim ti thei tu Pathian hnenah nunnak rak liam tu pawl ih thlarau zaangafah nak ngah in kumkhua nunnuamnak co hram dingah, thinnatnak a tuar tu sungkua pawl ih natnak dam sak dingah le hnem dingah thla a cam sak thu, thatlonak tansan in thatnak thawn lehrul dingah (Saam 34:14) , tuahmawhnak cu ziangvek pawlkom khal in dodal dingah, milai nunnak upat dingah thla a cam thu, hi thlacamnak khal thazaang pe dingah le Bawipa ah remdaihnak ngah ding tumtah in Pope in thlasuah a rak pek tiah a ngan.

         Chicago Archbishop Cardinal Cupich khal in thinna tu a kawhhran mipi pawl tha a rak pek. Cardinal cu America ram sungah hriamhrei kai theinak thawn pehpar ih a rak sim vekin thlacam dingah khal a rak forhfial. Cu mi ah ralkap pawl khal in himnak hrang tuanvo an lak ih hlei ah, meisa mittu mawtaw 5 khal humnak lam tuanvo an lak cing in minung 24 hrawng hriamhma a rak ngah ter hnu lawngah a rak cawl thei. Hriamhma ngahtu pawl ih kum cu (8-85) tiang an tel. Milai nunnak siatsuah tu milai thahnak hriamhrei cu ziang vek nunphung pawlkom ah khal hmun a um lo tiah a rak sim.

         July thla thok a si ko nan America ram ah mipi pawl hnenah meithal thawn a kap ih nunnak sunnak vek an rak tong. Chicago ralkap pawl ih tarlang mi vek a si le mipum 55 kah an tuar ih 7 an rak thi tiah a sim. America ih nauhak pawl cu meithal thawn kah an tuar ih a bur bur ih thihnak ah sualnak ih sangbik ah a um tiah a sim.

         Hi thuthang cu Aleteia ih kan ngah mi a si.

https://bit.ly/3c289CQ