Pathian in kan sual nak nunram thlengin Pathian hnatuan tu tiin a hmang. June 30, 2021

Pathian in kan sual nak nunram thlengin Pathian hnatuan tu tiin a hmang.

June 30, 2021

            Pope cu tuikar tlawngkai ni thum ah khawmzawh pawl hnen thu asim nak ah Paul ih Kohhran mipi pawl hnen a kuat mi thuthangtha ih pehpar in a sim. A thuhla cu St. Paul Galatian ih amah le mah a check awk nak "a hman mi dungthlun tu ih nuntu daan" thu a sim. A thusim mi ruangah theih mi Gospel thuthangtha thawn anmah le mah din thar awk sal dingah a forhfial.

Buainak pawl felfai ter nak

            Paul cu a ngah lomi tong pawl, a thusim mi a ngai tu pawl an theih thiam lomi tong pawl thawn a sim ih buainak pawl a pial ter lo. Pawlkom sung ahleice elawk nak asi mi veihnih nak cu Khristian si dingah um lo thei loin a tul nak, a tul lo nak thu a sim. Paul cu tuanvo lak nak, zumawk nak a nei tu dungthluntu asiih a tui a cang rero mi dinhmun cu a thupi ah ret in a felfai ter. A simmi buai nak cu amal, olten felfai ter nak asilo. Elawk nak cu a hman mi felfai ter nak ih a hman mi a si.

Pathian ih zangfah nak langter nak

            Paul cu Pathian ih dungthluntu pakhat si dingin ziang tin a ko timi thu, hitivek asinak cu a thiam tuk ruangah asilo thu, amah ih Judah biak nak a kaihnget caan khal ah dik ten sim ding asile biak nak lam a kai hnget tu a si thu, a mahcu Judah biak nak thawn pehpar in nunnak pe dingah a tih tu asilo thu, Pathian thu a zum tu pawl cu tih nak nei loin a hrem thu, amah cu ahlan ih Khristian asi hlan thu khal thaten a sim. Hitivekin ningzak loin asim nak cu dik lo zet in tiawk nak asilo. Pathian in ziangtluk in a zangfah thu, Pathian ih zangfah nak a tum thu sim dingah a si. Paul cu kawh nak a ngah nak ziang tluk in a hman thu Kohhran a hrem tu dinhmun ihsin a hrem mi Jesuh Khrih ih thu sim tu tiin kawh a ngah nak thu a sim nak a si.

Pathian cu sual nei tu pawl le tha mal pawl a hmang.

            Paul cu a hlan ah a dungthluntu pawl tihnung zet in a rak hrem nan netaah tih nak in a thosal tu Pathian fapa thu cu Judah mi asilomi mi phun dang pawl hnen sim ding ah amah a hril sal. Pathian ih remruat nak cu zum thei lo ding khopkhop as i. paul ih a hmuh otn mi pawl cu nitin in kan tong. Ahleice in Pathian in in kawh caan ah thuhla pawl vonruat hnik aw. Curuangah Pope in thusim mi a cem nak lamah Bawi Jesuh cu kanmah hrang a tuar mi cu mi pakhat cio ih thinlung, thluak sungah um ringring dingah, cui thilcang mi cu kanmah hnen Pathian ih thluasuah thawn in tong aw ter tu tikcucaan asi mi khal hngilh lo dingah, Pathian cu tuletu sual nak a tuah tu pawl, thamal pawl hmang in a duh mi pawl a lang ter thu, hitivek asi nak cu kan ton mi cu duh ruangih a cang mi, a pehpar aw mi a si lo. Ziang hmuahhmuah cu Pathian ih lairal cia mi a si thu, kan thuanthu a ngan. A ngan mi thuanthu cu kan zum nak ih tuah asile run dam nak cu an ngah ding a si.

Pathian ih thluasuah cu Gospel thuthangtha ih hnatuan tu tiin a thleng

            Pathian in in kawh asile a hna khal tuan dingah a pek. Cui hnatuan cu pumpek nak thawn tuah dingah theih nak an nei ding. Curuangah kan zaten himi theih nak nei cio uhsi. Cumi theih nak cu kan sinak in thleng tu ahmaisabik dinhmun a si. Cuihnuah Gospel thuthangtha cu tlamtling zet in tuah dingah a thleng thu a sim. Himi thuthang cu Vatican thuthang ihsin kan don mi a si. 

Photo courtesy of CNA

https://bit.ly/3yf5RGd