Pathian le kiangkap duhdawtnak cu Christian nunram hrangah a hramthoknak a si. October 25, 2020

Pathian le kiangkap duhdawtnak cu Christian nunram hrangah a hramthoknak a si.

October 25, 2020

          Zarhpini Angelus thlacam caan ah Pope Francis in St. Peter tualrawn ih a tongawkhawm tu zum tu pawl hnenah “duhdawtnak cu Bawi Jesuh ih zirh mi pawl ih a hramthoknak a si thu a rak sim.  Pope Francis in Zarhpi ni Angelus thlacam caan ah cui ni ih Cathianghlim a si mi daan thiam pakhat in Bawi Jesuh hnenah “a tum bik mi thukham” a suh nak cu an rak ruat tlang. Bawi Jesuh in “Na Bawipa Pathian cu na thinlung zaten, na ruah nak zate thawn duhdawt aw, na innhnen kha nang mah vek in duhdawt aw,” tiah a rak let.

A hranthok nak thukham pahnih

          Pope Francis in hi a hramthok nak thukham pahnih hman nak in Bawi Jesuh cu zumtu zate hrangah um lo theih lo ih a tul mi a hrampi pahnih a rak ret thu, pakhat nak cu nuntuzia le Biaknak nunram cu donharnak le thungainak pawl ruangah mal ter a ngah lo nain duhdawtnak cu an mai thlun mi daan in um a tul thu, a pahnih nak ah duhdawtnak cu Pathian le innhnen pawl danglam lo in kilhim a tul thu a rak sim. Pope Francis in a sim bet mi cu “Hi thil cu Bawi Jesuh ih zirh mi thar pawl sungin pakhat a si ih innhnen duhdawtnak hmuh lo nak cu Pathian duhdawt ngaingai nak a si lo thu in thei ter.

          Cu vek in Pathian thawn a pehtlaih aw thei lo mi mi pakhat ih duhdawtnak ti mi cu innhnen a tak tak ih duhdawtnak a si lo thu a rak sim.  Bawi Jesuh in “thukham le Prophet a um mi pawl cu hi thukham pahnih parah a bun aw tiin an hnenah sim nak in a thu leh nak cu a rak bang. Hi mi ah Pope Francis in Pathian cu a miphun pawl hnenih a pek mi thukham pawl zaten Pathian le innhnen pawl duhdawtnak thawn a pehtlaih awk thu a duh san nak a si tiin a si. A ngaingai ah cun “Thukham zate cu then a ngah lo mi cui duhdawtnak lethnih langsuak dingah le hmuh dingah a si. Pathian hnenah duhdawtnak cu thlacamnak thawn a thupi bik in Bawipai Thi le Sa upat nak thawn a hmuh.

          Innhnen pawl duhdawtnak khal suakkhat unau vek ih duhdawtnak tin khal a sim ih nel awk nak, thu ngai nak, hlawmawknak, midang pawl zawn ruah nak pawl a tel thu a sim.Tui ni Cathianghlim ah Pope Francis in “Bawi Jesuh cu kan mai nunnak le duhdawtnak hrampi suah nak ih feh dingah in bawm thu, hi cirh ti cu Pathian a mah rori a si zianghman le zohman ih pah bal thei lo mi pawlkom awk nak pakhat ih duhdawt ding mi si dingah a si thu,” a rak sim.

          Pope Francis in a sim bet mi cu “pumkhat si nak cu nitin dil a tul mi laksawng a si lawng si lo in kan nunram cu hi leitlun ih tuah duh zet mi pawl in sal nunram thleng dingih on lo mi mah rori hngetkhoh zet ih sim awk nak pakhat a si thu a rak sim. Pope Francis in “Kan thlengawknak le thianghlim nak khualtlawnnak nemhnget nak cu innhnen duhdawtnak ah a um thu, kan thinlung pawl cu unau pawl hrangah thinlung khar a si le Bawi Jesuh ih dil mi vek ih dungthluntu pawl si dingah a hla lai ding thu,” a rak sim. Pope Francis in, “Pathian ih zaangfah nak cun kan thinlung thanau ter a duh lo. Asinain, Bawi Jesuh in Pathian thuthangtha ruat ringring dingih nitin thok dingah in sawm thu,” sim phah in a thusim a rak cawl.

 Hi thuthang cu Vatican thuthang ih kan ngah mi a si.

Photo courtesy of: ANSA

https://bit.ly/3jnJarC

Add new comment

1 + 0 =