Philippines ram palai (ambassador) thar in St. Lorenzo Ruiz ih zuk lem Pope Francis hnen a hlan. (November 22, 2021)

Philippines ram palai (ambassador) thar in St. Lorenzo Ruiz ih zuk lem Pope Francis hnen a hlan.

(November 22, 2021)

            Vatican hrangah Philippines ram palai thar asimi Ms. Myla Grace Macahiling cu Pope Francis thawn Vatican ah an tong aw ih amah ih thuhla a bawm tu ca pawl a hmuh. Philippines ram ih thleng a si vekin amai ram, Philippines Catholic pawl ih rinsan mi Mithianghlim, a lar bik Mithianghlim pakhat asiih an ram ih a hmaisa bik Mithianghlim khal a simi St. Lorenzo Ruiz ih zuk lem pi, Philippines Catholic Kohhran in a thianghlim zarh ih hman asi theu mi daan pawl ret khawm nak cauk le a dang Philippines laksawng pawl cu Pope hnen a hlan.

            Reilote an ton awk thehah ram palai ih innsang pawl le hnatuan tu pawl khal Pope in cibai a buk. Philippines ram cu Khristian a thlen nak kum 500 kim hminsin nak an tuah rero caan asi ruangah a tui caan cu amah ih Kohhran hnatuan thar tuan dingah a thabik caan a si tiin a sim. Himi thuthang cu Rome Reports thuthang ihsin kan don mi a si.

https://bit.ly/3xfT2fB