Photo courtesy of: AFP or Licensors https://bit.ly/2UgQgE3

Tidai um lo in nun a theih lo thu Pope in sim

Nov 8, 2020

Kandung zarhpi niah Italy ramih Bishop pawlin tidai ngah thei nak le kilhim nak thawn pehpar ih a rel tlang nak an nei mi ah Pope Francis khal a tel. Ziangruangahtile tidai cu zate hrang ah um lo thei lo ih tul mi a si. Italy ram cu kumtin November 8 niah thuluu pakhat an hril ih hngilh lo nak ni ah tuah a si theu. Hi ti vekih tuah theu dingah Catholic Bishop pawl hnen forhfial nak a nei.

            Tui kum hrang ih thuluu ah "Tidai cu leilungpi hrangah thlawsuah a si" tiah a si. Tidai cu a hmaisabik mi laksawng a si. Thlaici a cing tu pawl thawn nai ten a um thu, ziangahtile ram mipi pawl cu anmai terhsiang le huam zetih an tuan nak parah a um ruangah a si. Covid ruang khalah leilung hmuntin ih hnatuan nak pawl a siat suah ter nak ruangah khal a thin nuam lo thu a sim.

            Pope cu Angelus thlacam theihhnuah tidai cu thil ciin nak hrangah nunnak a si. Nunnak hrang khalah a um lo thei lo a tul mi a si tiah a sim ih, leilungtlun ih khuate lamih a um tu pawl khal a seherh thu le thla a cam sak thu, a thupibik mi lothlo tu pawlih hnatuan nak cu a tuvekih harsat tuar tik cu caan khal ah a thupit tuk thu a sim ih a thu sim cu a cawl. Himi thuthang cu Vatican thuthang ihsin kan ngah mi a si.

Photo courtesy of: AFP or Licensors

https://bit.ly/2UgQgE3