Pi le pu pawl ni le kum upa pawl ni hrang ah Indulgences ngah thei nak Pope in pe June 22, 2021

Pi le pu pawl ni le kum upa pawl ni hrang ah Indulgences ngah thei nak Pope in pe

June 22, 2021

            Pope ih sual ngai thiam nak zungin kan dung tlawngkai ni hnih ih an than mi ah "Kohhran mipi pawl ih thlarau lam that nak, upat nak tam vivo dingah tumtah in" a hmaisabik leilung pumpi ih pi le pu le kum upa pawl puai ni cu aralai dingmi July 25, 2021 ah tuah a si ding. Cui ni ah Indulgences sual ngai thiam nak thluasuah ngah thei nak a pek ding. Cardinal Kevin Farrell ih dil nak ruangah a tui thu an than nak a si. Ram tinkim ih "pi le pu pawl le kum upa pawl ni" cu aveikhat nak tiin tuah nak cu sunloih nak a si.

            Indulgences thluasuah ngah dingah sualthlah nak saramentu kha thaten ngah ding a si. Pope ih tumtah nak vekin thla khal cam ding a si. Pope Francis in St. Peter biakinn sungah siseh, ram leng a khultlawn lai pawl ah a hlan mi Missa raithawinak pawl ah tel in Pope hrang thlacam sak dingah, kum upa pawl hnen leennak, bom a tulmi, harsat nak a tuar tu, a dam lo mi pawl, taksa kim lomi upa pawl kilkhawi dingah a si.

            Cumi thuthannak cu sual ngaithiam nak thawn pehpar mi zung ih tuanvo nei tu Cardinal Mauro Piacenza le Kryztof Nykiel tei in let hmat an thu. A tui sual ngaithiam nak cu feh vah thei lo dinhmun ah um in biak inn a feh thei lo tu ram pawl khal kilkhawi ding a si. Himi lungrual nak cu leilung pumpi hnen "a tha mi hnatuan a si" nak leilung pumpu hnen lang ter nak a si. Pathian ih zangfah nak cu video thawn, radio thawn, tuilai fimthiam nak thawn khal sim nak a si. Himi thuthang cu Vatican thuthang ihsin kan don mi a si.

https://bit.ly/3dic2Bj