Pope in ‘thlarau lamih mithmai pannak’ kan ngah thei nak dingah Pope John Paul I  Mithianghlim ah khaisang. (September 05, 2022)

Pope in ‘thlarau lamih mithmai pannak’ kan ngah thei nak dingah Pope John Paul I  Mithianghlim ah khaisang.

(September 05, 2022)

          Pope Francis in Pope John Paul I khaisannak Missa sumnak a rak hoha ih a mithmai pannak cun Pathian ih thatnak ziangtin a phuang ti in mang ter sal. Rikhiah um lo ih duhdawt thiam dingah le saangkaa khar lo in mithmai pan mi Pawlpi si dingah Pathian hnenin zir uh tiah tha a rak pek. Pope Francis in ‘mithmai pan ringring mi Pope’ zoh thiamnak mangsal in Zarhpi ni ah St. Peter tualrawn ah a khaisannak thuhla a rak sim. Cui Missa sumnak cu Mithianghlim pawl hrang Parish Cardinal Marcello Semeraro in ruahsur hnu nitlannak tual rawn ah zumtu 25,000 thawn a rak tuah. Pope Francis in ‘tui ni ih Gospel thuthangtha sungin Bawi Jesuih dungthluntu si ding ahcun leitlun thawn pehpar mi pawl hrial dingah mai sungkua hnak in Bawipa duh dingah, kan nunram ciar ah Thinglamtah phur ding mangsal ding thu a thusim mi ah a rak sim.

Mipi pawl in ruahsannak an hawl

          Pope Francis ih ralrin peknak cu kan leilungpi ih kan hmuh mi pawl thawn a kalh aw mi saya lole hruaitu pakhat ih hiipnak thawn mipi in an tuarnak parah hrambun in hmailam hrangih ruahsannak pawl a nai te ko nan cu pawl a tuar ter thlang. An hnenin an thatnak hrangah sinak lole thuneihak hrangah an theih duh mi pawl an sim ih milai pawlkom ih tihphannak le sambaunak pawl ah hlawknak ngah dingah caantha an lak.

A bang aw lo mi Pathian ih um tu daan    

           Pope Francis in kan tulsam mi pawl lole sambaunak pawl hmannak lole a ol sam mi thukamnak pawl le thluasuah pawl a pek lo ruangah Pathian ih tidaan thawn  a danglam thu a rak sim fiang. Pathian in mipi theihsak lo in lole duh mi dil lo ih ngah mi thuk zet in theihthiamnak um loin Pathian in thinlung thakhohnak thawn a feh tu pawl a ruahsawn thu a rak sim. Gospel sungih siar mi ah mipi sungin mipi tampi in Bawi Jesuh cu an hotu ah cang in an buainak pawl ol ten fiang ter tu ih an ruahsan thu Pope in a rak sim. Sinak, thuneihnak le caantha pawl ngah dingah leitlun mi pawl ih tulsam mi pawl sunsak in ‘hi mi cu Bawi Jesuih tidaan a si lo in dungthluntu pawl le a Pawlpi ih tidaan a si thei lo’ tiah a rak sawhkhih.

Mai Thinglamtah ciar phurhnak    

            Pathian in a bang aw lo mi kan hmuh daan in sut. Anih cun a thuk bik mi duhdawtnak le a thabik mi lungmankhung hnak in hi duhdawtnak siar lo a dang ziang vek khal duh ter a duh lo tiah a rak sim.

Tahnak um lo mi duhdawtnak

          Bawi Jesuih dungthluntu si dingah cun mah le mah hnak in Pathian rinsan in, Thinglamtah pariah thihnak tuartu Bawipa hnenin duhdawtnak zir dingah a si.

          Thinglamtah parih thihnak tuartu Bawi Jesuh kan zoh tikah mah le mah sunsak awknak pahsuak dingah, khui tawk hmun khal ah Pathian le midang pawl duhdawt dingah, kan ral pawl le danglam zet ih thil a hmu tu pawl duhdawt dingah in sawm.

Apawknak hrang duhdawtnak in sawm    

          Duhdawtnak ah ‘tuarnak, daiten umnak, theihnak palhnak, mah lawng umnak, tuartheinak neihnak le hremnak pawl’ tuar thei a tul tiah Pope in a rak sim ih hlan aw ih tuan dingah ziangvek tidaan thawn khal um dingah lole tha ten nun khuasak thiam a tul. Pathian ih dungthluntu pawl si dingah a tul mi kekar pawl zawh in Bawipa ah thudik thuhman phuang in midang pawl bawm a tul.

Thanau lo ih duhdawtnak

          Blessed John Paul I ih zohthimnak zoh sal tikah Pope Francis in ‘thanau loin a cem net tiang duhdawtnak’ cu Gospel ih lunghmuinak ah Blessed thar ziangin a rak khuasak ti a rak pholang. A hminthannak hrang hawl loin tangdor mi hotu dinhmun in a nunram a rak hmang.

          Hi thuthang cu RVA thuthang ih kan ngah mi a si.

https://bit.ly/3RdjuQ9