Pope in 2025 Jubilee hrang timtuah in thlacam dingah than. ( Jan 21, 2024)

Pope in 2025 Jubilee hrang timtuah in thlacam dingah than. (Jan 21, 2024)

Pope Francis in Catholic Church ih kum 2025 kim Jubilee puai hrangah thlacam in timtuah dingah zarhpi sunah thlacamnak kum thok dingah theih ter nak a rak nei.

 Pope Francis ih zarhpi sun Angelus thusimnak ah Jan 21ah thlacam kum tiah a rak than. Hi mi ni cu minung pakhat ciarih nunram, Pawlpi ih nunram le a man nei zet mi leitlun pi hrang thlacamnak le a tulsam mi ngaingai hawl sal dingah tumtah mi kum a si.

Duhdawt mi ulenau pawl a ra lai ding mi thla pawl cu kan Jubilee puaipi  ih a thoknak a thianghlim mi Sangka ong dingah lam in hmuh ding tiah Pope in Apostolic palace ih tukverh in a rak sim.

Hi mi thlasuah ih thil cang mi ah tha ten kan nun theinak ding le Pathian hnen ih ruahsannak huham kha tong dingah, in timtuahsak dingah nan thlacamnak ah nasa tak in dil uh. Curuangah tuisun kan ni pawl cu thlacamnak kekar thawhnak ni a si tiah a rak sim.

Thlacamnak kum thawn pehpar mi thuthang theiter nak cu Jan 23 ah tuah a si ding thu Holy See Press Office in a tarlang.

Vatican le Rome khuapi ah 2025 Jubilee kum ih tumtah mi cu kum 2000kum Jubilee hnuih a hmaisa bik kum 25 kimnak hrangah hi khuapi ah mipum 35 million thleng thei dingah an hisap tiah an tarlang.

2025 Jubilee kum cu Dec 24, 2024 in ( Christmas Eve) in a thok ih Jan 6, 2026 tiang a si ding tiah an tarlang. Hi mi thuthang cu CNA thuthangih kan ngah mi a si.