Pope in Angelus thlacamnak ah Eucharist ( Bawipa thi le sa ) in leilung thar pakhat ih prophet ah in cang ter tiah sim.

Pope in Angelus thlacamnak ah Eucharist ( Bawipa thi le sa ) in leilung thar pakhat ih prophet ah in cang ter tiah sim.

Zarhpi ni Angelus thlacamnak ah Pope in Corpus Christi ih a thupitnak kha  a langsar ter ih Eucharist in kan mah kha maizawnlawng ruahnak thinlung in neh ter ih duhdawtnak le unau sinakah lam in on sak tiah a sim.

Pope Francis in Corpous  Christi ti ih mitheih tam mi Khrih ih a thianghlim mi a taksa le a thisen a si mi sunloihnakah ram tampi ih Catholic mipi pawl hrangah Zarhpi sun Angelus thlacamnak ah thla a rak cam sak.

Bawinu Maria hnen thlacamnak thok hlante ah the Last Supper Bawipa Jesuh ih netabik zanriah einakah Bawipa Jesuh in a mah le amah in peknak parah Pope in ruat in a rak sim.

Hi mi sangreu kha a dungthluntu pawl a rak peknak ah Jesuh cu a mah le mah a langnak le mission hnatuannak alang ter ih laksawng ih sunlawizia kha Gospel thuthangtha kha thupit in langsar ter. Pope in Bawi Jesuh cu kan mai ai ah  a mai nunnak zaten laksawngah in pek tiah a rak sim. Bawipai thi le sa cu Khrihtian zumnak ih a thupi bik mi a si thu sim.