Pope in Basilica Biakinn pi tuanvo laknak dan pawl a rem ih thleng. (March 21, 2024)

Pope in Basilica Biakinn pi tuanvo laknak dan pawl a rem ih thleng. (March 21, 2024)

Pope ih Basilica ti tikah mitam sawn cun St.Peter Basilica lawng hi ruah a si cio ding. A sinan kan thei ding mi ah Rome ah Pope ih Basilica ti kan ti tikah Basilica 4 a um ti kha kan thei ding mi a si. Catholic khawhran mipi pawl din hmun in a thei tu kan um vekin a thei lotu khal kan um ko ding.

Pope ih thlawsuah peknak card ih kilhmun li ah Rome khuapi ih um Basilica pali  ih zuk an ret. Cu mi ah St. Peter Basilica, St. Paul, St. John,  le St.Mary pawl tla an si. Hi Basilica pali cu Pope ih direct uknak sungih a um mi a si.

Pope Francis cu Rome khuasung ih cui Basilica pali sungin St.Mary Basilica Biakinn tuanvo neitu pawl hrangah an thlun ding mi daan thar pawl cu kan dung tlawngkai ni thum ah a rak than. A tui dan ih tuanvo neitu pawl dinhmun in thlarau lam le mission hnatuannaklam ah thupitin tuan dingih tumtah nak thawn a thleng mi a si.

March 20 ni in Pope Francis ih lam hmuhnak thar ah Pope dinhmun in Basilica biakinn tuanvo kha sumpai thawn pehpar mi thu ah hnaihnoknak um lo ten a um ter duh thu, cuti a si lawngah an mah khal thlarau lam hnatuannak le  mission hnatuan nak  asi mi khawmzawh pawl in sual an thlah duh tik khal ah man cia in tha tho zet in ziangtik caan khal ah an tuah thei ding thu lam hmuhnak a rak  nei a si.

(December 2021) ah Pope Francis in a cui Basilica Biakinn cu Archbishop Rolandas Makrickas kha Basilica Biakinn ih ukawk daan pawl zoh sal dingah a hleice in tuanvo a rak pek. Hi ti ih a tuahnak khal cu Pathian ih miphun pawl thlawsuah an ngah theinak dingah a si. Hi pawlkom dinhmun in hi Basilica Biakinn pi ih tuanvo lak daan thawn pehpar in hlut mi sumpai pawl feh daan dinhmun khal a rak zoh fel.

St.Mary Basilica Biakinn cu Liberian Basilica tin khal kawh a si.Hi mi Basilica biakinn sungih relic rothil pawl a si mi a thianghlim mi (Holy Cradle) le St.Luke ih zuksuai mi kut thiam pawl an si ih cui zuk sungah Bawinu Maria in naute Jesuh a cawi ih naute Jesuh in Bible a keng mi zuk cu Rome khuapi kilvengtu zuk pawl umnak Basilica a si.

Basilica cu Pope Francis hrangah a thupi zet mi Biakinn pi a si. Pope cu ramleng ih a tuukhal khual tlawnnak a feh hlan le a tlun sal tikah Bawinu Maria hnen lungawi thu sim phah in cui biakinn ah thla a cam theu asi. (2023 December ih Sapain ram thuthang la tu pawl ih thu an suhnak ah Pope a mai dinhmun in a nunnak a cem khal a sile hi mi Basilica Biakinn hnuai ah vui ka duh ti thu khal a rak lang ter a si. A thu ih tuanvo pek mi cu Makrickas a si ih a mah khal hi tu ah kum 78 a si zo mi Poland Cardinal Stanislaw Rylko ih tuanvo pehbet in tuan dingah khal a rak langter. Cardinal cu hi mi Basilica Biakinn ih tuanvo neitu bik Puithiam a si ih 2016 thok in tuanvo nei tu a si.

Basilica ih tuanvo neitu Puithiam dinhmun cu Cardinal a si ih kum nga laitek a si. Kum nga a kim a sile pehbet in tuanvo lak khal cu a theih. Tuanvo pawl cu Basilica Biakinn pi sungah tuah theu mi Khawhhran mipi khawmzawh pawl hrangah tuah tul mi pawl  tuah theinak a nei.

A tui lamhmuh mi tharah tuanvo ih zirh in a then then in a thar pahnih khal bet sal a si. A tuah cun tuanvo neitu hnenah tuanvo peknak a um hrih lo Puithiam Makrickas in tuanvo lak in a tuah ding. Basilica biakinn pi ih hnatuan dan thar pawl khal tuah a si. Acui hnatuan neitu sungah Puithiam, a thar ih pek bet mi ah Vatican aiawhtu ah pakhat, Vatican ih rothil pawl kilkhawi tu zungpi ih aiawh tu pakhat tel in din a si. Hi mi thuthang cu CNA thuthangin kan don mi a si.