Pope in Bawi Jesuh in naihniamnak, farahnak le a cekci mi caw rawl kuang a langsar ter tiah sim.

pope_in_bawi_jesuh_ih_naihniam_awknak_farahnak_cawrawl_kuang_a_lang_sar_ter.

Pope in Bawi Jesuh in naihniamnak, farahnak le a cekci mi caw rawl kuang a langsar ter tiah sim.

            Pope Francis in Bawi Jesuih naihniamnak, farahnak le cekcinak cu Zarhte zaanlam, St. Peter Basilica ih tuah mi Christmas zantim ih thu a simnak ah a rak sim. Pope in Pathian thuthangtha phuangtu St. Luke in veithum tiang a rak langter mi caw rawl kuang ih thupit zia a rak langsar ter.

          “A si le caw rawl kuang in ziang in sim duh? Naihniamnak, farahnak le a cekci mi pathum in sim,” tiah Pope Francis in a rak sim. Pope in minung pawl thawn naihniamnak ah caw rawl kuang a rak langsar ter.“Cu tawk caw rawl kuang ah Bawi Jesuh a suak ih a mai naihniamnak cu cu tawkah kan hawl. Cu tawk ah a ra ih kan rawl ih cang dingah ei in ding pe dingah a ra.”Pathian cu kan farah harsatnakle mah te lawng umnak ah a um tiah a rak sim bet. “A thianghlim mi naute ih hmaisabik in zirh duh mi Christmas caw rawl kuang in in duh ih ih hawl ti mi thawn Pathian in in sim” tiah Pope Francis in fiang ten a rak sim. “Bawi Jesuh in khuanvang le sualnak ihsin run in duh ih zumnak pakhat tharthawh dingah in sawm. Ziangah tile Christmas ih dunsan cu Pathian kan hnenah a um ti a si” tiin a rak sim.

          Pope in Bawi Jesuh cu duhdawtnak kan zir duh tikah le mi farah pawl kan rian tikah kan liannak a si tiin a rak sim. Christmas cu farah harsa pawl tel lo in tuah a theih ko nan Bawi Jesuih suahnak thu hla tel lo in a ngah lo thu a  rak sim bet.

            Pope in “Christmas ah Pathian cu a farah. Farahnak suak ter sal uh” tiah a rak thangphawk. Pope in caw rawl kuang sungih it rero tu Bawi Jesuh hmuh theih mi veithumnak ih a cekci nak ih in zirh mi a rak langsar ter. Pope in Bawi Jesuh in tongkam lawngin in duh lo. A taktak ah in duhdawt tiah hngetkhoh zet in a rak sim. Pope in “Nu Mary in puan nemte thawn tuam mi duhdawtnak hruk ter in duh. Pathian ih hmuihmel a duh lo. Asinan, a cekci mi a duh” tiah a rak sim.

          Pope Francis in “Pathian cu a hngetkhoh mi a si ruangah ruahsannak nei lo  mi pawl ah a thar ih hrin salnak cang ter dingah midang pawl hrangah thatnak pakhat khat tuahnak thawn Christmas puai hmang dingah a rak forhfial.

          Hi thuthang cu RVA thuthang ih kan ngah mi a si.                                                                                      

https://bit.ly/3GniJBe

Add new comment

7 + 5 =