Pope in Bishop pawl thawn pehpar mi zungah nunau pathum tuanvo pe. (July 13, 2022)

Pope in Bishop pawl thawn pehpar mi zungah nunau pathum tuanvo pe.

(July 13, 2022)

            Pope Francis in Bishop pawl thawn pehpar mi zungah nunau 3 a hril. Vatican cu leipar ih Bishop tambik hrilnak tuanvo an la. Cui nunau pawl cu Catholic Sister pawl ansiih, anmah pawl cu France ram in Salesian Sister Yvonne Reungoat a si ih a mah cu Salesian Sister kiang ih a sangbik rian khal a tuan dah tu asiih,  2019 ah “nunpek nak nunram le dungthluntu pawlkom pawl ih nunram” pawlkom ih a hmaisabik nunau 7 sung in pakhat tiin hril mi khal a si.

            Adang pakhat cu Italy ram in Franciscan Sr. Ra Faella Petrini a si. Anihkhal kandung November thla ah Vatican sung a sang bik riantuannak a tuan tu a hmaisabik nunau tiin hril mi a si. cutiin hril asiih ahmaisabik tuanvo alak nak cu Vatican tualrawn ah Christmas caan ih kumtin tuah mi naute Jesuh inn a si. Tuikum ah Naute Jesuh inn cu Peru in an kuat.

            A pathumnak nunau cu mi menmen nunau pakhat Dr.Maria Lia Zervivo a si. Amah cu leilung pumpi thawn pehpar mi Catholic nunau pawlkom ih President khal a si.  Cui Bishop thawn pehpar mi Vatican ih zung cu leilungpi ih a lawng mi a tulnak ah Bishop pawl ret thei dingah dil nak pawl an tuah ih a kaih bik mi Pope hnenah an pek. Pope khal in a zoh fel ih a hman le a dik asile a lungkim pi. Himi zung hnatuan ah a hmaisabik nunau pawl an tel nak a si. Himi thuthang cu Rome Report thuthang ihsin kan don mi a si.

https://bit.ly/3csjz2I