Pope in Catholic pawl hnen ah ulenau pawl vekin hmunkhat ten feh tlang dingah forhfial. March 27, 2023

Pope in Catholic pawl hnen ah ulenau pawl vekin hmunkhat ten feh tlang dingah forhfial.

March 27, 2023

          Pope Francis in Italy ram Rho khuapi ih Milan Archdiocese ih thuthangtha a sim nakah Catholic mi pawl ulenau pawl vekin hmunkhat ten feh tlang nak a thupit thu a forhfial. Pope in ulenau vekih feh a thupit thu a thupi ah ret in a sim “ziangruangahtile nunphung kiangkap in zalennak le lungawinak a pek” tiin a sim.

          Fr. Michele Di Tolve khal zarhte ni Pope Paul VI hall ih Pope ih mipi a tonnak ah Milan Archdiocese ihsin Rho ih parish 2 ihsin khawmzawh 2000 hrawng lakah a tel ve. Pope Francis in “leilungpi hi kanmah hnen men ah a cem lo, nitinten hmunkhat ten feh tlang nakin kan hmu suak” tiin a sim.

          Pope in Italy parish pawl hnen ah “a bang aw lomi kiangkap, service pawl le laksawng pawl” le “communion le variety liannak kohhran ih a thuhram a bang aw.” A thupi bik mi lamzin Gospel phuang nak hrangah “ziangvek tongkam hman a hlan ah sim a rak si lo.”

          Pope in parish cu duhdawtnak kan ngahnak a si. Thil tha kan hlawm awknak a si. cutin asilole kan zaten in mah te pak vekin kan tuar ding. Pope in duhdawtnak cu cohlan nak le duhdawtnak lungrual nak din nak, hnatuan tlangnak le community in a bangran mi le covo hawl nak a si tiin a sim.

          Pope in Puithiam pawl hnenah mipi pawl in kawhnak le thusuhnak an cawl dah lo, curuangah an sangka ong ringring dingah a sim. “Atu caan ah Puithiam nan si, parish cangvaihnak nan si. sangka ong ringring dingah le mithmai pan ten hmuak dingah cumi cu parish ih pastoral care a si tiin a sim.

          Pope in relsiat awk nak a khamih cumi cu parish pawl ih ral le parish pawl, innsang pawl le thil tampi a siatsuah tu natsia tiin a sim. Pope in upa pawl hnen ah san thar pawl hnenah nunphung thu sim in tanta dingah  a sim. Himi thuthang cu RVA thuthang ihsin kan don mi a si.

https://bit.ly/3TVAdtA