Pope in circus zoh dingah inn nei lo, harsat taur le thawngtla pawl minung 2,000 sawm.

Pope in circus zoh dingah inn nei lo, harsat taur le thawngtla pawl minung 2,000 sawm.

          Mi 2,000 luan cu Feb 11 ah Rome ih tuah mi circus show puai ah an tel ih himi cu Dicastery for the service of Charity ih rak thok mi a si. Cumi sungah Ukraine, Syria, DR Congo le Sudan ih harsat tuar innsang pawl an tel. Pope Francis in dicastery for the service of charity ah February 11 zarhte niih tuah mi circus show ih a tel tu mi 2,000 lai a tong. Cumi show cu Rong Roller circus company in tuah (perform) nak an nei ding.

          Dicastery ih an simnak vekin himi ih a tel tu pawl ah Ukraine, Syria, DR Congo le Sudan ihsin harsat tuar tu, inn nei lo, thawngtla le mi harsa innsang pawl ih fale pawl an tel tiin an sim. Thenkhat cu Rome ih um innsang pawl khal an tel ih mi 150 luan lai inn nei lo pawl cu Rome ih khuapi leng Torvaianica ih lamzin le khuapi leng ih hnatuan pawl um nak inn pawl ah an um rero. Cumi ah mi bawmtu volunteers pawl Mother Teresa ih mi bawmtu Sister pawl khal an tel.

          "Himi show (hmuhnak) ih an tel ding an on nak bik cu nazi mal te sung tal harsat tuar pawl hnangam nak pek nak le bawm tul pawl thazang peknak hrang a si" tiin Pope ih siivai lam hnatuan Cardinal kanrad Krajewski in a sim. Pope ih a simnak vekin lemcang pawl hmuh tikah himi circus in a mawi mi thawn thazang in pek nak le harsat nak pahsuak thei dingah in bawm, himi cu Pathian hnen thleng dingah a si.

          Himi show mawi le tha ten tuah thei dingah zuamnak thawn caan reipi an timtuah, circus ih lemcang pawl in thazang suah ih zuamnak in a cang thei lomi khal a cang ter ti in hmuh tiin Cardinal Krajewski in a sim. Himi thuthang cu Vatican thuthang ihsin kan don mi a si.

https://bit.ly/3Ii7hrw