Pope in Colombia leimin ih miharsa pawl hrang thlacam sak ( January 07, 2024)

Pope in Colombia leimin ih miharsa pawl hrang thlacam sak ( January 07, 2024)

          Colombia nitlaknak lam ih mithi tam zet mi leimin theh hnu ah, Pope Francis in “a tunghmun lo mi le hi harnak caan a tuar tu pawl le an tanta mi pawl hnenih hnemnak pe dingah” Pathian hnenah zaangfah a rak dil.

          Pope Francis in tlawngkai ninga ah Colombia nitlaknak lam ih leimin in ka riah a sia ter tiah a rak sim.

          Quibdo ih Apostolic Administrator, Bishop Mario de Jesus Alvarez Gomez in telegram ih a tarlang mi ah, Pope Francis in ‘a thi mi pawl kumkhua nunnuamnak an ngah theinak ding hrangah thla a cam sak’ ti a si.

          Vatican Secretary of State, Cardinal Pietro Parolin ih lethmat tthut mi capi ah “hi pulhnat sia a tuar tu zate hrangah Bawinu Maria in a Fapa Bawi Jesuh hnenih thlacam sak dingah le thlarau lam naihniamnak langternak ah thluasuah pep hah in Pope in a thlacamnak a rak cem ter tiah a rak tarlang.

          Zarhpi ni ih cam theu mi Angelus thlacam sungah, Pope Francis in leimin a tuar tu mi harsa pawl khal a rak sawm.

          “Mi harsa pawl tam ter tu Colombia ih leimin tuartu mi harsa pawl hrang thlacam hngilh hlah uh,” tiah a rak sim.    

          Leimin ruangih mithi 34 tiang a thleng zo.

          Rampi ih nitlaknak lam Quibdo le Medellin khuapi pawl thawn pehtlaih mi tlang par ih lamzin pakhat ah tlawngkai ninga ah pulhnat a rak can thu theih a si.

          Colombia National Disaster Risk Management Unit initially in catlang pakhat ah mipum malbik 18 thah an tuar tiah a tarlang. Catlang ah mipum a malbik 35 in hriamhma an tuar ih siizung ah tuamhlawmnak an lak tiah a rak tarlang bet.

          A dang mithi um thar pawl cu Zarhte ni ah Choco Governor’s Office in a rak tarlang ih the Prosecutor’s Office in a rak nemhnget.

          President Gustavo Petro in tlawngkai ninga ah a mai a cozah in hi tihnungza harsat caan pholang phah in a tul sam mi bomnak zaten an pe ding tiah a rak sim.

          Hi thuthang cu Vatican News ih kan ngah mi a si.