Pope in COP 28 hrang thlacam phah in Laudato Si’ Action Platform hnen lungawi thu sim. (November 12, 2023)

Pope in COP 28 hrang thlacam phah in Laudato Si’ Action Platform hnen lungawi thu sim. (November 12, 2023)

          Zarhpi ni, Angelus Pathian thuzirhnak thehhnuah, Pope Francis in kiangkap sunsaknak tam sinsin dingah le lehrulnak tumtahnak Laudato Si’ Action Platform ih kumhnih kim hngilhlonak a rak sunloih. Cu theh in Dubai ih tuah ding mi UN ih nikhua thlengawknak thawn pehpar mi Conference hrang thlacam sak dingah mitin hnenah zaangfah a rak dil.

          Zarhpi ni Angelus hrangih pumkhawm mi mipi pawl cibai buk phah in, Pope Francis in kan run innpi, kiangkap kilhimnak hrangih thathnemnak um mi thil pawl pek mi Laudato Si’ Action Platform ih kan dung kumhnih ih tarlang mi a rak mangsal.

          Laudato Si’ Action Platform in Parish pawl, diocese pawl, fimzirnak tlawng pawl, harhdamnak tuamhlawmnak pawl, pawlkom daan pawl, hnatuantu pawl, sumdawnnak le kan run innpi sunsak dingah a tuah thei tu religious pawlkom pawl kilhimnak pek, cangvaihnak pawl ruahnak pek,sawmdawlnak a rak pek.

          Pope in “tu ih nai zet zo mi Dubai nikhua thlengawknak lam Conference COP 28 hrang thlacam sak dingah” zaangfah a rak dil.

          Cui Conference ah Dec 02 ih thusim tu ding Pope a mah rori a tel ding. Pope cu Dec 1-3 tiang United Arab Emirates ah a tlawng ding.

          COPA 28 ih a tel ih tlun ah, a dang te ih rampi tonawknak puai pawl tuah in nikhua thlengawknak kham dingah a hngetkhoh mi hnatuan thangphawk dingih design tuah mi Expo City ah “zumnak ih donhleisang” an ong ding.

          Hi thuthang cu Vatican News ih kan ngah mi a si.