Pope cu Vatican hrangah tuanvo nei tu thar pawl a than October 1, 2020

Pope cu Vatican hrangah tuanvo nei tu thar pawl a than
October 1, 2020

    Pope cu aliamzo
mi tlawngkai nili ah Msgr Alejandro W. Bunge cu Vatican ih hnatuan nak lam ih hotu tiin a than. Amah cu himi hnatuan pek asihlan ah Roman Rota zung ih zingzoi tu tiin hna a tuan. Amah cu (1951, November 21) ah Argentina ramah a rak suak. Amah cu San Isidro Diocese Siangbawi asiih, (1978, December 23) niah Siangbawi can nak a la. Catholic kawhhran ih phuan mi Argentina phunsang tlawngah Theology sim thiam nak ah Licence a ngah. Cui hnuah nu Pawlpi ih Canon upadi Doctor buah cu Pope ih theih pi mi St. Thomas Aquinas phunsangtlawng ah a ngah. 
    Monsignor cu Argentina Catholic phunsangtlawngah ca zirh tu in siseh, Canon upadi zung ih hotu tin khal siseh, (1996-2013) tiang a tuan. Amah cu a dang Siangbawi tlawng khal ah ca zirh tu Siangbawi a rak si. Amah cu Buenos Aires ih Archdiocese, parish pawl kom aw ih phuan mi upadi lam pawlkom ih hotu tin khal siseh, Argentina ram ih Canon upadi lam pawlkom ih hotu tin khal siseh hna a tuan laiah, (2013, April 7) niah Pope Francis in amah cu Roman Rota ih zungah zoh fel tu tiin a ret. 
    Amah cu ca tampi khal a ngan. Hnatuan nak lam ih lam hmuh tu Pope cu professor Pasquale Passalacqua khal hnatuan lam ih lam hmuh tu tin khal siseh, professor cu Cassino phunsang tlawng le saklam Lazio ih hnatuan nak lam upadi pawl a zirh tu khal a si. Amah cu (1968, Juy 15) ni, Napel ah a rak suak. Amah cu upadi zir nak lam ah Rome ah buaih a ngah ih, sumdawn nak le hnatuannak lam upadi fimthiam nak thawn doctor buah a ngah. 
    Amah cu Lateran phunsangtlawng ah hnatuannak  lam thawn  upadi kha a zirh ih, Cassino le sak lam Lazio phunsangtlawng pawl ah sumdawn nak lam a zirh. Amah cu Italy ram ih hnatuan lam upadi le nunphung humhim nak pawlkom ih sungtel khal a si. Thuhla tampi ngan in cauk tampi suah tu khal a si. Zung manager ret nak, peh bet in Pope in Monsigor Giulio Sembeni hnen nisuah nak lam Pawlpi ih tuanvo nei tu tiin a ret. Tui caan ah Monsignor cu Vatican secretary ih bawm tu tuanvo kha a tuan a si. Himi thuthang cu Vatican thuthang ihsin kan ngah mi a si. 
https://bit.ly/2Svsgw7

Add new comment

1 + 17 =