Pope in duhdawt nak a nei tu nunram cu Pathian thawn netabik ton awk nak hrang timtuah. November 8, 2020

Pope in duhdawt nak a nei tu nunram cu Pathian thawn netabik ton awk nak hrang timtuah.

November 8, 2020

         Pope Francis in "Bawi Jesuh ih duhdawt nak thawn nitin thil tha tuah nak pawl cu thih nak a nei tu nunnak cu thinlung hnangam ten hngak dingah caan tha a pe" tiin zumtu Khristian pawl hnen a sim. St.Peter tualrawn ah Pope cu Zarhpini Angelus thlacam dingah media a phunphun ihsin ngai dingah a khawm aw mi zumtu khawmzawh mipi pawl ruahsan in a sim. Pope Francis in  Zarhpi ni Gospel Cathianghlim asi mi Mt 25:1-13 ah fala pahra pawl ih tahthim nak kha a hlawm. Bawi Jesuh in kha laiah mopuai cu meiinn vangin zaan ah an tuah. Tahthim nakah Monu rualpi thenkhat Fala miaa pawl cu an meiinn vang dingah zinan a hleifuanih  ken an hngilh ih mifim thei nak a nei mi fala pawl cu zinan an keng. Fala aa pawl cu an zinan a daih in an neih lo thu an theih tikah anmah pawl cu an va lei nan an tlai ruangah Mopuai ah an lut ngah nawn lo.

         Himi tahthim nak thawn Pope in Bawi Jesuh cu kanmah pawl hnen a ratsal nak ding hrangah man cia in um dingah a sim duh nak a si. Netabik a rat nak asilole, ton ding mi pawl hrangah kan nitin thukam nak khal thupi ah ret in a sim. Cumiah zumnak meiinn in a daih lo. Kanmah pawl cu "duhdawt nak le a tha mi ziaza" timi zinan a tul tiin a sim. Zum nak cu duhdawt nak thawn tuah nak a si.

         Pope Francis in Bawi Jesuh ah a hmanmi a rual rem mi zumnak cu duddawt nak thawn tuah mi zumnak a si tiin a sim. Fala fim pawl cu cutivekin an tuah. Meiin thawn zinan a hleifuan ih an keng nak cu thluasuah thawn kom in a tha mi tuah nak a hmuh. Pathian thawn netabik tongaw dingah kanmah pawl ralrin in duh ruangah Pathian thawn a tu ihsin kom aw in a duhdawt nak thawn thang phawk mi a tha mi tuah nak pawl cu tuah ding a si" tiin Pope in a sim.

         Pehbet in Pope Francis in vansiat nakah kan nunram ih tumtah mi asimi Pathian thawn tonawk nak cu kan hngilh theu. Curuangah ruahsan nak kan nei lo theu tiin a sim. Hitivek thinlung ruah nak cu hmailam thawn pehpar in ziangvek hmuh nak khal a kham ter. Minung pawl cu a dang nunram ah ziangtik caan khal ah feh lo ding vekin ziangtin kim an tuah. Himi thu ruangah minung pawl cu neih mi hrangah le thilri nei dingah an tuah bet ih mah le mah lian dingih tuah nak lawng an thupit ter. Kanmah pawl inhip thei tu ding thilri lawng hawl ding asile kan sumdawn nak hrang lawng kan hawl asi ahcun kan ramcu a karh thei lo ding, khat lam in kan ti asile micing kan si ding. Kan meiinn hrangah zinan khawl loin Pathian rat sal hlan tiang kan meiinn cu a mit ding a si.

         "A tha mi ziaza nunpi nakin Pathian thluasuah thawn kaih mi" a dang khatlam ah kanmah pawl cu ziaza tha kan nunpi nakin Pathian thluasuah thawn a kaih awk asile theih nak a nei tu fala fim pawl vekin kan it that caan khalah Pathian a ttum ding thu, kanmah pawl cu kan meiinn pawl nuncan ziaza tha tuah nak timi zinan pawl cu khawl in tih phan ding a um lo thu Pope in simphah in Pathian thuthangtha cu a cem ter. Himi thuthang cu Vatican thuthang ihsin kan ngah mi a si.

https://bit.ly/3kJXETu