Pope Francis in 2023 ah nisuahnak Timor ah tlawng thei men tiah sim. (September 22, 2022)

pope_francis_in_2023_ah_nisuahnak_timor_ah_tlawng_men_thei

Pope Francis in 2023 ah nisuahnak Timor ah tlawng thei men tiah sim.

(September 22, 2022)

          Vatican ih ramdang pehtlaihnak secretary, Archbishop Edgar Pena Parra in September 22 ih a rak sim mi a si. Pena Parra cu September 19-23 tiang nisuahnak Timor ah a tlawng ding. Vatican ih tuanvo neitu in Pope Francis cu Timor Lester ah 2020 ah a rak tlawng tum nan covid-19 ruangah 2023 ih tlawng dingin a ni an rak thawn tiah a rak sim. “Pope Francis in Timor-Leste ih tlawn a duh. Hmaikum hrang khualtlawnnak ding an timlam hrih lo nan Timor-Lester cu Pope tlawng dingih sawm tu ram sungin pakhat a si ih hmaikum hrang caanserh ziangtin a tuah ding ti kan zoh ta hrih ding” tiin Pena Parra in a rak sim.

          September 22 ah, Archbishop Pena Parra in Timorense Resistane Museum Archive-AMRT IP le Timor Aid ih a thoknak a si mi “Tais Timor-Leste” ah a rak tlawng. Nisuahnak Timor ih khualipi Deli ah Apostolic Nunciature (Holy See of the Embassy) khal a rak din ih “leitlunhuap remdaihnak le mipi um tlangnak hrang minung khat le khat zawnruahnak zung” khal a rak din.

          “Nunram ih thil pahnih a zumtu mipi pawl ih zum mi pahnih a um: pakhat cu zumnak, kan nunram ih engine a si mi Pathian zumnak, a sinan, a dang a thupi sawn mi pakhat cu thil tha tuahnak a si. “Ziaza um lo  mi zumnak cu a thi” tiin Venezuelan ram mipi Archbishop in Portuguese National News Agency “Lusa” ah a rak sim. A pariatnak caanserh cu August 27 ah Pope in thuanthu sungtel mi Timor ih hmaisabiknak Cardinal, Dili ih Archbishop D.Virgil of Carmo da Silva a rak pek.

          “A thianghlim mi Pa Pathian ih in rak pek mi theihhngilh lonak  pawl le a hleice in kan dung rei lo te ah Timor-Leste ih hmaisabiknak Cardinal hriakculhnak cu mi pakhat hrang lawngah si loin ram hrangah khal ram mipi pawl ih ziaza a si” tiin Vatican ramthen ih secretary in a rak sim. Cui caanserh ah Canossian Sisters of Balide (farah harsa mi nauhak pawl vehnak), Sau Pedro le Sao Paulo le Fatumeta pawl ih Interdiocesan Seminary, Santa Cruz ih thlaan le Timorean Resistance Museum Archive pawl tel in prime Minister Taur Maton Rauk le nisuahnak Timor ih President Jose Ramos-Horta te thawn tonawknak khal a tel.

          Hi thuthang cu RVA thuthang ih kan ngah mi a si.

https://bit.ly/3r1uk0k

Add new comment

2 + 1 =