Pope Francis in 2023 ih hmaisabik ni ah nunnak cemtu Pope Benedict XVI ih thlarau Bawinu hnenah ap nak nei

pope_francis_in_2023_ih_hmaisabik_ni_ah_a_nunnak_cemtu_pope_benedict_thlarau_hrang_ap_nak_nei

Pope Francis in 2023 ih hmaisabik ni ah nunnak cemtu Pope Benedict XVI ih thlarau Bawinu hnenah ap.

Jan 1, 2023

            A cawl zo tu Pope Benedict XVI cu (Dec 31, 2022) ah a nunnak a rak cem thu riahsia za thuthang cu Vatican ihsin leitlun killi ah mipi theih in an rak than. Cui ni cu 2022 ih netabik ni khal a si. Catholic Pawlpi in kum tinten, kumthar nikhat ni ah ‘Pathian ih Nu, Bawinu Maria ih puai’ a tuah theu ih Pawlpi in (leilungpi) cu Bawinu Mariah ih kilkhawinak lak in kumkhat sung Biaknak, nunphung, rampi tivek thil tampi dik zet ih rorel thei dingah apnak thawn a thok theu.

          Cu vekin Pope Francis khal in cui ni ah nunnak cemtu, a cawl zo tu Pope Benedict XVI ih thlarau cu Pathian ih Nu, Bawinu Maria hnenah a rak ap. Pope Francis in kumthar (1) ni khal a si vekin ‘Pathian ih Nu, Bawinu Maria ih puai ni’ Missa Sumnak a rak hoha. Missa Sumnak ah hmaisabik ih a rak sim mi cu ‘ a cawl zo tu Pope Benedict XVI ih thlarau hrangah thlacam sak cio uhsi’ ti a si.

          Tui ni ah kan nih in kan duhdawt zet mi a cawl zo tu Pope Benedict XVI cu a thianghlim zet mi Bawinu hnenah ap cio uhsi. Pathian ih Bawinu in a mah cu hi leitlun ihsin Pathian hnenih fehnak ding lamtluan ah rualpi tha dinhmun in hruai hram seh. Pope Francis in Pathian hnenih thleng sal dingah a zuam rero tu pawl hrangah khal hlawhtlinnak ngah cio dingah thla a rak cam sak.

          Leitlunhuap ih um tihnungza, minung pawl ih tuah mi tihnungza a phunphun ruangah a nasa zet mi harsatnak a tuar rero tu pawl, a hleice in ralbuainak cang rero mi, Ukraine ram hrangah hleice tak in thla a rak cam sak. Pope Francis in St. Peter Basilica Biakinnpi ih a thleng thu khawmzawhtu pawl hnenah kumthar hrangah tuah taktak mi ‘thlun ih thasuah tul mi lamhmuhnak pawl’ khal a rak khiah sak.

          Tui ni cu kumkhat ih a thok a si. To men, kut sih, zoh men in leilungpi thleng aw dingah ruahsan rero in tikcu caan khohral rero hnak in leilungpi thleng aw dingah ziang kan tuah thei ti kha mah le mah tha ten sut aw cio uhsi. Tui kum ah khui tawk feh ka duh? Zo hnenah thatnak ka pe thei ding? Pawlpi sung le pawlkom pawl ah na hnen ihsin thiltha pawl an lo ruahsan. Cui thiltha pawl cu nangmah lawngin na pe thei; na tuah thei.

          Mi zaangzel pawl, mai kiangkap ah ziangvek thil khal cang sehla mah thawn sai lo vekih a um tu pawl, ziang tumtahnak hman nei lo ih um tu pawl dinhmun in thaqtnak tuah thei dingah tui ni ah Puithiam pawl nan kut balh siang in tuan thok a tul. Pope Francis in mipi pawl hnenah kum upa pawl siseh, innhnen pawl thawn nai te’i um dingah, mai hnatuan le mai harhdamnak, himnak kpkawl h rang lawngih um lo dingah le mai thinlung sungah ziangtin in forh ti khal tikcu la ih ruat dingah a rak forh.

          Cui Missa Sumnak ah nauhak pawlkom pakhat cu mifim pathum pawl vekin an thuam aw ih raithawinak a hlu pawl cu Pope Francis hnenah an rak hlan. Missa sumnak theh hnu, Angelus thla an cam caan ah khal Pope Francis in a cawl zo tu Pope Benedict XVI ih thlarau hrang thlacam sak dingah zaangfah a rak dil bet. Kumthar cu Pathian ih Nu, Bawinu Maria hnenah ap cio uhsi. Ziangah tile tui ni ah Nu Pawlpi in ‘Pathian ih Nu, Bawinu Mariah ih puai’ kan hmang. Curuangah a cawl zo tu Pope Benedict ih nunram ah Bawinu cu thupi zet mi ih a rak ret thu, curuangah hi kumthar ah ziangtin kan nun a tul ti cu Bawinui hnenin zir cio uhsi.

          Tui kumthar ah ziang mi kan zir thei? Bawinu Maria hnenah ‘ziang mi kan tuah ding ti in zirh aw’ tiin zaangfah kan dil thei.Tangdornak thawn Naute Jesh tuamhlawm in cawinak cu Bawinu ih tong a si. Hi ziaza cu Bawinu Mariah ih upat tlak mi a si. Tuukhaal pawl in Pathian ih Vancungmi ih a rak sim mi kha an va bia ko nan Bawinu in cu mi pawl parah kamkhat te hman tong loin dai ten a rak um.

          Bawinu in a mah cu Pathian ih Bawinu a sinak uangawknak a rak nei lo. Bawinu in Naute Jesuh lawng a lai ah a awi ih duhdawtnak thawn a rak kilkhawi. St. Peter tualrawn cu Puaipi ni a si vekin a cawl zo tu Pope Benedict XVI khal upatnak pek duh ruangih a thleng tu leitlunhuap ih khawmzawhtu pawl thawn ropi zet in a rak um.

          Hi thuthang cu Rome Reports thuthang ih kan gnah mi a si.

https://bit.ly/3WOXgqz

Add new comment

1 + 10 =