Pope Francis aiawhtu le Russia biaknak lam hotu pawl thu rel tlangnak nei. (June 30, 2023)

Pope Francis aiawhtu le Russia biaknak lam hotu pawl thu rel tlangnak nei. (June 30, 2023)

          Pope Francis ih aiawhtu Cardinal Matteo Zuppi cu kan dung tlawngkai nili niah Rassia ram ih khuali pi a si mi Mosco ah Rassia Orthodox biaknak lam hotu pawl thawn a tonawk ter. Cardinal cu Italy Catholic Bishop pawl kom ih President khal a si. Cardinal cu Mosco ah nithum a rei dingih Pope Francis aiawh in Remdaihnak hrang thudik hawl tlangnak lamzin pawl an hawl dingih Rassia le Ukraine ram hnih karlak ah raldo nak ruangih harsa tuar pawl minung le minung zawnruahnak  bawmawk nak forhfial dingah lamhmuh a si. Rassia ih a thlengtu Pope aiawhtu cu nauhak pawl ih covo thawn pehpar in a cangvai tu Maria Alekseyevna Lvova-Belova thawn khal tongaw ding an si ih Ukraine nauhak 19000 pawl cu Rassia ih an hruainak thu thawn pehpar aw mi khal reltlang dingah a si.

          Hi mi thu thawn pehpar in reltlang dingah May thla ih Pope le Ukraine President an tonawk lai ah zaangfah a rak dil mi a si. Mosco ih a thleng mi Pope aiawhtu in tlawngkai nilini ah Pathian ih Nu a si mi Bawinu Maria biakinn ah Missa sumnak a rak tuah. Cui tlunah Rassia Catholic mipi pawl a tongih  

        Pope ih a cibai buknak pawl le a thlacamsak nak ttong pawl khal a rak sim. Tlawngkai nithum ni ah Cardinal cu Rassia President Putin ih ramdang pehtlaih nak lam thuruah nak peknak vuaci Yuri Ushakov thawn tonawk nak an rak nei.Cui ni thotho ah Ukraine ram ih soviet  uknak lai ih thah a rak tuartu Ramhrangih miraltha pawl man salnak caanserh  tuah phah in a tu Rassia ih ramri nornak ruangih a thi tu Ukraine ralkap pawl hrang khal ah riahsia in thla a camsak nak khal a lang ter.

      June 26 ni biakkhawmnak khal Lviv ih Bawinu Maria lungdawl hmai stradch ah tuah theu dan veik in sauzet in thlacamnak a rak nei. Cumi biak thawinak ah archbishop Sviatoslav Shevchuk in a rak hoha. Archbishop cu leitlun huap ih Ukraine Catholic hotu khal a si. Missa sumnak cu 1944 stradch Parish Puithiam Mykola Konrad le Choir tuanvo neitu mipi sungih Volodymyr pawl cu hmuhsuam zetin Soviet Rassia ralkap kut in Bawipai sangreu an ei ter theh hnuah kah that an rak tuar.

Cumi pahnih cu 2001 lai ih Pope St.John Paul II nak in Ukraine a rak tlawn laiah mithianghlim din hmun in a rak khaisan mi minung 30 lak hi mi pahnih tla an tel ve. Hi mi thuthang cu Shalom news ih kan don  mi a si. hi mi thuthang cu Shalom news ih kan ngah m a si.

https://bit.ly/3JNrAgy