Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Pope Francis in American President thar a hmuak thu ca a kuat. January 20, 2021
Pope Francis in American President thar a hmuak thu ca a kuat.
January 20, 2021
America ram ih hril awk nak pi le cui hrilawk nak ih mipi pawl hril mi a vei (46) nak President cu Bible thawn thukam nak tuah nak cu hlawhtling zet in an tuah theh zo. Pope khal President thar Joe Biden kha sunloih in a hmuak.
Pope in a hmuak nak tongkam ah President thar hrangah thla a cam sak ding thu, Pathian in fim nak le thazang pawl lo pe hram seh timi thu, ram sungah khat le khat theih thiam awk nak, thindaih nak khal a thabik in tuah thei hram aw timi thu, President thar ih hoha nak tangah American mipi pawl in ram din nak ihsin thok in a hrampi a simi ram khel, nunphung, biak nak lam man pawl khal pet bet vivo in tha tha dingin tuah thei hram aw timi thu, President thar ih thu potcat mi pawl khal thu hman le zalen nak parah bun aw in nunphung sinak din nak hrang lawngah a si thei nak ding thu, mi tinkim ih sinak le thiltithei nak pawl khal upat dingah, mi harsa pawl, ziang vek humhim nak hman a nei lo tu pawl, sim rel thei nak a nei lo tu pawl kilkhawi in humhim dingah a forhfial.
Atuvekin President thar khaisang tikah Pope ih sunloih nak ca kuat nak cu tuah daan kel pakhat a si. America President Joe Biden cu Pope Francis thawn 2013 ah veikhat, Democracy President Obama san ah Vice President tiinn a tuan laiah veikhat, 2015 ah veikhat Washington D.C ah an rak tong aw. Himi thuthang cu Rome Reports thuthang ihsin kan ngah mi a si.
Photo courtesy of: The Atlantic
Add new comment