Pope Francis in besia zetih a naa tu kum 17 nute hnen a  riahsiat thu video massage in kuat.(June 26, 2023)

Pope Francis in besia zetih a naa tu kum 17 nute hnen a  riahsiat thu video massage in kuat.(June 26, 2023)

            Pope Francis cu June 23 ni ah besia zet in nat a tuar tu kum 17 mi Portuguese nute hrangah thla a cam sak. Dam lo tu Edna in tui kum Lisbon ih tuah ding mi World Youth Day ah tel dingin cazin ka ap zo nan ka feh thei lo ding tiah Pope hnen ah ca a rak kuat. Nauhak nute cun Pope Francis hmuh a rak duh zet.

        Lei tlun huap mino puai Portugal ah tuah ding tin ka thei tinten le Pope in video sungah a thu sim ka hmuh tinten ka harhdam deuh vek in ka thei ih Leitlun huap mino pawl puai ih tel thei lo dingin donkhamtu natnak um lo vekin ka theih awk ni a si tiah ca in a rak kuat. Edna in pehbet in amah le amai sungkua hrangah ziangtlukin a thupit thu Pope a sim duh thu le  a hmuh duh thu a rak sim. A besia zet mi natnak pakhat in kum 10 vuakvel minung cu kum 8 sung rori a rak hnaihnok ih a nunnak ziangzat a tang lai thu khal  theih a si lo.

        Doctor (Siibawi) in ziangtik le Jesus na hmu ding  ti cu rel a theih lo a sinan a reihlan ah a si ding tiah ka ruat tiah a rak ngan. Siizung ih Edna cakuat let sal nakah Pope in video massage a rak kuat .  Pope in Edna hnen in ca ka dong ngah. Ka lungawi. Ka lungawi na zaangfah lainatnak le na thinlung daite ih a umnak ruangah ka lungawi tiah Pope in a rak let. Edna ih cakuat mi ca sungah Pope ih thlacam saknak a rak dil. Na thlacamnak sungah in ral telh hram aw ti khal in a rak ngan. A cem zawngah Pope in a tu cu thlasuah ka lo pe dingih na khualtlawnnak lamtluan ah thazaang lo pe hram seh tiah thla a rak cam sak. Hi mi thuthang cu RVA Thuthangih kan don mi a si. 

Hi mi link ah zoh a thei. Video's Link: https://www.youtube.com/watch?v=C07qzS75bfY&t=50s