Pope Francis in Biakinn le Leilungpi in Bawinu ih nu nunram le nunau nunram a tul tiah a sim. 24, October 2020

Pope Francis in Biakinn le Leilungpi in Bawinu ih nu nunram le nunau nunram a tul tiah a sim.

24, October 2020

          Zarhte ni ah Pope Francis in Rome khuapiih um Pontifical Theological Faculty “Marianum” tlawng ih tlawngta pawl le hnatuan tu pawl an tong aw ih an mah thawn Mary ih nunram le nunau nunram an rak ruat tlang. Pope Francis ih sim mi vek a si le Bawinu cu nu le nunau pawl ih zohthimtlak zet mi a si. A mai tlawng cu zumnak le nunram pakhat a si ih a mah cu minung nunram le Christian nunramahh cafang pawl tha zet in an zirh. Pope Francis in Rome khuapi ih um “Servites” a tin kaing, Bawinu ih riantuantu pawl a tinkaing ih an din mi “Pontifical Theological Faculty “Marianum” tlawng ih tlawngta 200 hrawng a um mi tlawngta hrekkhat le zirh tu saya pawl a rak sim. Bawinu ih thuhla thupit ih zirh mi hi upat tlak zet mi tlawng pi cu mi tampi ih theih mi (Marianum) tiih kawh mi Bawinu ih thuhla a zingzoi tu fimthiamnak journal a rak suah thei.

          Pope Francis in Bawinu ih thuthuk thinlung sungih a thlen thei a si le mangbangza zet a si mi a mai nui nunram le nunau nunramah kan hmu thei.  “Elizabeth in a mah cu ‘Pathian ih Nu’ ah a rak nemhnget. Bawi Jesuh in kan hnenah Nu pawl sung ihsin a tha bik mi nu pawl thawn nun khua sak dingah a duh thu,” Pope Francis in a rak sim.

Bawinu in nui nunram ih pawlkom a din

          Pope Francis in “Kan mai Bawinu in Pathian kha kan u ah a cang ter ih nu pakhat dinhmun in Biakinn le leilungpi cu suakkhat unau vek in a tuah sak. Pawlpi cu lungrualnak hrangih a cang mi a mai nui thinlung hawl sal dingah a tul. Asinain, Bawinu in kan leilungpi cu nauhak pawl zate’i inn ih cang dingah a duh.  Pope Francis in a mai netabik capi a si mi Fratelli tutti sungta la in, “Bawinu kan zaten unau kan si ih kan milai pawlkom ih hnon a tuar tu pawl hrangah hmun a um mi leilungpi thar pakhat suak ding a tul,” tiah a rak sim.

          No. 278 “Laksawng, kilkhawinak le hlawmawknak lawng in milai nunram ih innsungsang a lungrual ter ruangah, minung nunnak cu tangdor nunnem nak thawn a sersiam sak ih din sal mi nu pawl kan tul,” tiah Pope Francis ih thu pek vek in “Nu pawl um lo mi leilungpi ah hmailam tikcu caan ti mi a um lo,”. Hlawk nak pawl le hlawk nak pakhat lawng in kan hmakhua a tlamtling ter thei lo. A kalh aw zawng in voikhat voihnih ah a bang lo mi le thu dik lo pawl a tam ter.

          Cu ai ah nu pawl lawngin nauhak tinkim cu mai inn vekin thinnomnak pawl pe in ruahsannak a pek. Nu pakhat si nak in Bawinu cu tonawknak hmun khat ih feh tlang nak ih a muril le nom nak a zirh. Hi thuhla thawn pehpar in Pope Francis in Marianum in a bang aw lo mi Biaknak lam Theology le thlarau lam daan pawl cu innsungsang pi hmunkhat ah tongawkhawm in Christian pawl le Biaknak phunkim khat le khat zawnruah awk nak khal tha pek nak ruangah sunloih nak tongkam a rak sim.

Bawinu ih nui nunram in minung pakhat ah in cang ter. Bawinu ih nu thuhla sim a si le “Nu pawlpi in Biakinnpi kha innsungsang a can ter vek in Bawinu khal in kan mah pawl pakhat ah in cang ter,” tiin Pope Francis in a rak sim.

Cu mi cu Bawinu ih minung a si nak le Biaknak lam a zuam nak a hmuh ih Bawinu vek ih thlun ding, Bawinu sunloih ding le voikhat voihnih ah Bawinu ih thianhlim nak lang ter deuh dingah “Mariology” tiih kawh mi Bawinui thuhla a zingzoi tu fimthiamnak a lungkim pi.

          Asinain, kan tikcu caan sungih a cang rero mi Bawinui san ih thilcang mi pawl ciing ringring dingah Pope Francis in a rak sim. Hi thuhla thawn pehpar in Pope Francis in nunau pawl ih thil ti thei mi par ah upat nak pek in Biakinn le leilungpi hrangah nunau pawl cu um lo theih lo ih a tul thu, nunau tam sawn cun an ngah tul mi nunau ih upat tlak si nak an ngah lo ruangah an thinlung siatsuah ih an riahsiat thu a rak sim. “Pathian hi leitlun ih a rak keng tu Nu in a thil ti thei nak le ziazatha pawl cu thuanthu sungah a keng thei. Pope Francis in, “Bawinui ziazathat nak pawl le nunram vek kan tul,” tiin thuk zet in sim phah in a thu sim a rak cawl. Hi mi thuthang cu Vatican thuthang ih kan don mi a si.

https://bit.ly/2Ts2vxf