Pope Francis in Biakinn sungah nunau pawl tel nak tamdeuh dingah thu suahnak nei. January 12, 2021

Pope Francis in Biakinn sungah nunau pawl tel nak tamdeuh dingah thu suahnak nei.

January 12, 2021

            Pope Francis in Biakinn sungah nunau pawl hrangah caanhman tam deuh dingah Biakkhawmnak ih Cathianghlim siar tu pawl, pulpit ih Puithiam a bawm tu pawl le Bawipai thi le sa zem nak ah nunau pawl tuah thei nak a on. Thusuah sungah "Spiritus Domini" Bawipai Thiang Thlarau in Pathian thu ruah ka ruahhnuah a rak tuah tiin Pope Francis in a rak sim. Tuah tlang mi ca sungah, Pope in "remdaih nak le mipi ih nemhnget nak" cu an tuah zo vekin nunau pawl hnen khal a tuah ter thu a rak sim.

            Canon daan 230 ih a hmaisabik catlang ih a khihhmuh vekin, nunau pawl cu ministry an tuan thei thu le Biakthawi nak lam ah nemhnget a si ding thu a rak suak. Zum nak lam ih a famkim mi Doctrine sunloih nak ah Theology lam ih a thu botcat nak dunlam phen thlam ah Theology lam ih tha thawh ter nak a si thu a cangan mi sungah Pope Francis in a rak sim fiang.

            Vatican a voihnih nak council ih a thar ih remsal nak sungih a thupi zet mi cu Pawlpi sungah Baptism kan zaten kan lak nak ah hin khat le khat tuan tlang nak ding thinlung, tui ni ih theih sinsin ding le mi menmen pakhat ih Pathian riantuan nak hi a si. A ca sungah Pope Francis in Pope St.John II ih tongkam a simi "Biaknak lam ih hriak culh nak hnatuan pawl, Pawlpi in nunau pawl Puithiam can nak pek nak a nei lo.

            Pope Francis in a sim bet mi cu "hriak culh lo mi Pawlpi hnatuan nak pawl, a cang thei le tui san ah hin hi tuah nakih ret dingah a tlak remcang a bang" tiin a rak sim bet.

            August thla ih thleng awk nakah Pope in Britain's Prince Charles hrangah a hlan ih sumpai rak kilkhawi tu in Vatican sumpai lam kilhim tu Council ih senior tel in nunau paruk tuanvo a rak pek. Pope Francis in nunau pawl cu a pahnih nak ramdang minister, Vatican Museum pawl ih director le Vatican Press Office hotu le nunau pali pawl cu a thupi zetmi thurelkhawm nak timtuah mi Synod Bishop pawl ih council ah hnatuan a pek zo.

            Mass raithawi nak an tuah lo ding, asinain Pathain thu sim nak, Pawlpi ih hmin in zirh nak, Baptism pek nak le thitum nak le ruakvui nak pawl le Bishop ih lungkim nak thawn tuah mi Parish cu an tuah thei. Himi thu cuLiCAS.news, with a report from Reuters  ihsin kan ngah mi a si.

Photo by Mark Saludes via LiCAS.news

https://bit.ly/3i9RI6l