Pope Francis in Bishop Frank Leo cu Canada ih Toronto Archdiocese kilkhawi dingah hril.

pope_in_bishop_frank_leo_canada_hrangah_ret.

Pope Francis in Bishop Frank Leo cu Canada ih Toronto Archdiocese kilkhawi dingah hril.

          Pope Francis in zarhte ni ah Bishop Francis Leo cu Canada ih a tum bik Catholic diocese Toronto Archdiocese hoha dingah a hril. Leo cu 2020 Sep ihisn Quebec ih Montreal Archdiocese ah auxilary Bishop tiin tian a tuan. 2008-20012 tiang Vatican ih rian tampi khal a tuan.

          Archbishop cu 2007 ihsin Toroto Archdiocese arak hoha tu Cardinal Thomas Collins ih dinhmun a sawng ding a si. Pope in kum 76 asimi Collin ih cawl nakd ing ca  cu Feb 11 ah a rak cohlang. Kum 51 asimi Leo cu St.Michael's Cathedral Basilica ah archbishop tiin rian a tuan ding. A ni cu an than hrih lo.

          Toronto ih Metropolitan Archdiocese cu Ontario khualipi ih Greater Toronto hmun ah a um. Parish 225, Puithiam 400 lai le Catholic mi 2M an um. "Pope Francis in a tuvekin zumzet ih hmun in pek ruangah ka lungawi. Tuithiang himi hi zum ban lo mi a si. Thil tampi zir ding khal ka nei lai, Pathian ih a sunglawi mi thawn ka hoha ding" tiin Leo in a sim.

          Cardinal Collin in Leo hrang a rian tuan nak ding hrang thlacam sak nak, duhsak nak le bomnak pawl a tuah sak. "Kohhran hrang a theih nak pawl cu Cardinal le leitlun hrang thial tha lo kum tampi a cang zo mi ah Pathian ih rem ti daan vekin lungawi ten le raltha zet in a hmang ding thu a sim.

          Leo cu ramdang ih ummi Italy nulepa ih fapa a si. 1971 ah Montreal ah a suak ih khua sung ih siminary ah 1990 ah a lut. 1996 December 14 ah Montreal Archdiocese ah Puithiam a tuan. Leo cu Roome Vatican ah 2006 ih academy for diplomatic traning ih sawmnak a cohlan hlan sung kum 10 lai Parish ah rian a tuan. Kum 2 sung canon law le philosophy a zir.

          Cuihnu Australia ah apostolic nunciature ah rian a tuan ih 2012 Montreal ih a kir hlan sung Hong Kong ih Stury Mission of Holy See ah rian a tuan. Canada ih Puithiam pawl cu Grand Seminaire fe Montreal team in din mi a si. Amah cu 2015-2021 tiang Canadian conference of Catholic Bishops (CCCB) ih general secretary a si. 2022 Feb 1 ihsin thla nga hnu Diocese ih auxiliary Bishop tiih a tuan hlan ah Montreal ih Archdiocese ah Vicar general tiin  le Moderator tiin rian atuan.

          Archbishop cu English, French, Italy le Spain tong a hmang. Leo cu Dayton ih University asilole International Marian Research Institute ihsin Mariology ih ahleice mi thawn systematic theology doctorate a ngah. Himi thuthang cu Catholic News Agency ihsin kan don mi a si.

https://bit.ly/3YFubhM

Add new comment

13 + 5 =