Pope Francis in Bishop thar pakhat Bishop cannak pe phahin Bishop dang pawl khal thlacamnak ah mai tikcucaan pe tam sawn dingah forhfial (October 18, 2021)

Pope Francis in Bishop thar pakhat Bishop cannak pe phahin Bishop dang pawl khal thlacamnak ah mai tikcucaan pe tam sawn dingah forhfial

October 18, 2021

         Pope Francis ih Bishop sinak a pek mi cu a mai Biakthawinak caanserh pawl ah tawlrel sak theu tu Guido Marini a si. A  mai Bishop cannak caanserh cu St. Peter Biakinnpi ah an rak tuah. Biakthawinak caanserh cu a rak ropi zet. Bishop thar pawl sinak pek hlan ah Bishop pawl thawn pehpar in Biakthawinak thu pawl a rak sim fiang.

         Pope Francis in ‘tu le tu theih mi tongkam cu tuah ding tampi a um ih thlacamnak caanserh hman nei lo’ ti a si. Cuvekih na can le cui hnatuan pawl cawl aw. Tirhthlah sungah dungthluntu pawl in Deacon riantuannak an nemhnget mi vun mang sal uh.

         Cu ti nemhngetnak cu Dungthluntu Petru in ziangtin a rak sim? Ruat sal uh si. Dungthluntu 6 sungah Bishop pawl ih tuanvo cu ‘thlacamnak le thuthangtha phuannak’ a si. Bishop pawl ih hmaisabik tuah ding mi cu ‘thlacamnak’ a si.

         Thlacam ti tikah Kilaw pawl vekin zianghman ruat lo le thei lo ih siarmen vek si hlah seh. Thinlung sungin thlacam a tul. Thlacam caan um lo. Caan ka pek thei lo tiin ziang tik hmanah sim pang hlah. Thlacamnak caan pek ding a thupi tuk tiin nan caanserh dang pawl thawn sawn uh. A si lo le bal uh. Bishop pawl ih nunram ah thlacamnak tlukih thupi mi a um nawn lo tiah a rak sim.

         Cui hnu ah Bishop cannak caanserh an tuah ih cui caanserh sungah tuah mi thusuh awknak ah khal ‘nan Tuuruun pawl hrangah le nan mai Bishop tuanvo thaten tuan thei dingah ziang hmuahmuah a thiam tu Pathian hnenah cat bang lo in thla nan cam pei maw? tiah a rak sut ih Bishop cannak a lak tu ding pawl in ‘kan tuah ding’ tiah an rak let. Cui hnu ah Bishop cang tu ding pawl cu an bok ih Bishop thar pawl ih rian tha ten tuan suak thei nak dingah an rak dil. Bishop cannak ih netabik lam a si mi on cia mi Bible Cathianghlim cu Pope in a thlir ih Bishop cang tu ding pawl ih lu par ah suang in thlacamnak tuanvo a rak pek. Cui ti can cu Bishop pawl in Pathian tongkam sim ding tuanvo apnak a si.

       Bishop sinak pek theh hnu ah Bishop thar Guido Marini in lungawi thu a sim nak ah ‘St. John Vianney mipi pawl in an hmuh tikah minung pawl ih thinlung sungah Pathian cu minung sungah hmuh a theih’ tiih an ruah vekin kan mah thawn a tong aw tu ding pawl khal in an mai Bishop an hmuh thei nak cu Tuukhaaltha hmuh vek si dingih zuam a tul thu a rak sim. A mah thawn Bishop cannak a lak tu Andres Ferrada Moreira in Vatican rian a rak tuannak cu kumhnih a kim thlang. Guido Marini cu a mah hnak in tuan deuh 2007, a cawl zo tu Pope Benedict XVI san lai ihsin rian rak tuan tu a si.

Hi thuthang cu Rome Reports thuthang ih kan ngah mi a si.  

Photo courtesy of CNS

https://bit.ly/3piAjy2