Pope Francis in Britain Siangpahrang Bawinu Elizabeth (II) a nunna cemnak hrang a riahsiat thu sim. (September 08, 2022)

pope_francis_in_queen_elizabeth_ii_le_prince_philip_thawn_3_april_2014_ih_an_tonawk_nak

Pope Francis in Britain Siangpahrang Bawinu Elizabeth (II) a nunna cemnak hrang a riahsiat thu sim.

(September 08, 2022)

          Pope Francis in Siangpahrang Charles (III) hnenah Britain Siangpahrang Bawinu Elizabeth (II) a thih ruangah a riahsiat thu ca a rak kuat ih a mai “ram le mipi thatnak hrangah mai hrang ruat lo ih rian a tuannak nunram” a rak sunloih. Britain le saklam Irelad pawl ih Siangpahrang Bawinu Elizabeth (II) cu Scotland ih um mi a mai inn (Balmoral) ah tlawngkai nili zaanlam ah a nunnak a rak cem. Zinglam ah a harhdamnak hrang sehrehnak pawl a um ruangah Siangpahrang Bawinu ih sungkua pawl a kiangih an rak um thu, Siangpahrang Bawinu Elizabeth (II) in kum (70) luan a rak uk ih 2022, June 2 ah a mai Platinum Jubille an rak tuah.

          A thi mi Siangpahrang Bawinu ih fapa upabik Charles (III)a hlan Prince of Wales hlun, Commonwealth realms ram (14) hotu Siangpahrang ah a rak cang.Siangpahrang Bawinu a thihhnu rei lo te ah Pope Francis in Siangpahrang Charles (III) ih nu a thih ruangah a riahsiat thu ca a rak kuat.“Siangpahrang Bawinu Elizabeth (II) a thihnak ruangah kan riahsia tuk. Siangpahrang sungkua le mipi pawl nan Siangpahrang Bawinu hrangah nan mah thawn ka riahsia ve,” tiah ca a rak kuat ih a thi mi Siangpahrang Bawinu ih kumkhua a colhnak hrangah thlacam saknak le ram le mipi thatnak hrangah mai hlawknak zoh lo in rian tuan mi nunram hrangah a sunloih  zet ih a tuanvo  ah zohthim tlak in a rak tuan ih Bawi Jesuh le Bawi Jesuih thukam mi pawl khal ruahsannak famkim thawn a tuannak dinhmun in a sunloih ih a tuarpi ve thu ca a rak kuat.

          Pope Francis in Pa Pathian ih zaangfah lainatnak ngah dingah Siangpahrang Bawinu ih thlarau a rak ap. “Pathian ih a cem thei lo mi thluasuah thawn Siangpahrang dinhmun in a rak tuan mi tuanvo pawl thawn Pathian in kilkhawi dingah thla ka cam sak. A sungkua pawl thawn um tu pawl zaten parah Bawi Jesuih hnemnak le thazaang ngah dingah thla ka cam sak,” tiah Pope in a cakuat sungah a rak ngan.

          Hi thuthang cu Vatican thuthang ih kan ngah mi a si.

https://bit.ly/3xAqfnx

Add new comment

1 + 0 =