Pope Francis in buainak a um rero mi DRC le thlang Sudan ah tlawng dingah timtuah.

pope_francis_buainak_a_um_rero_mi_drc_le_thlang_sudan_ah_tlawng_dingin_timtuah

Pope Francis in buainak a um rero mi DRC le thlang Sudan ah tlawng dingah timtuah.

          Pope Francis cu tuithla cem ah DRC (Remocratic Republic of Congo) le thlang Sudan ram tlawng dingah a timtuah. Himi ram pahnih cu tuahamwhnak ruangah mitthli tlak nak le taksa kim lo nak le colony ruangah thleidang nak le hliam nak an tuar.

          Pope Francis cu a him lo zet mi Africa ih ram hnih ah a tlawng dingih Holy See Press Office ih director in himi ram pawl ah "tuahmawhnak hleice a um lo" tiin a sim. Matteo Bruni khalin ram thunei tu pawl in hmunkip ah kilhimnak pawl an nei ih mi pawl an him ding timi aamahkhan nak a um thu a rak sim.

          Bruni in tlawngkai nihnih zing ah Pope ih DRC (Remocratic Republic of Congo) le thlang sudan tlawngnak ding thuhla famkim a rak simih a harhdamnak thuhla ruangah July thla ah an rak thawn zo.

          Pope Francis cu DRC (Remocratic Republic of Congo)  ah January 31 – February 3 tiang a tlawng dingih cuihnu nihnih sung thlang Sudan ah Canterbury ih Archbishop le Scotland kohhrna ih General Assembly Moderator thawn Vatican ih a kir sal hlan sung khawmzawh pawl thawn remdaihnak hrangah an um ding.

          Himi khualtlawnnak cu Pope Francis ih avei 40 nak tuukhal khual a tlawnnak asi tiin Bruni in a sim bet. Amai zumnakah ram 60 tiang a tlawng ding tiah a sim. Congo ih a feh nak cu Pope St.John Paul II nak in 1980 le 1985 ih a tlawnnak keneh thlunnak a si. Himi cu adanglam zet mi ram asi tiin Bruni in a sim. Pope ih a tui tum a tlawnnak cu 1969 laiah Pope St.John Paul II in Uganda a tlawnhnu Africa continent ih a hmaisa bik Pope tlawnnak a si.

          Himi cu avei 20 Africa ih khualtlawnnak asiih avei 4 nak Pope Francis in Kenya, Uganda le 2015 lai ih central Africa Republic, 2019 March ah Morocco le cuihnu kumkhat sungah Mozambique, Madagascar le Mauritius ih a tlawnnak a si. Bruni in Africa ah Catholic mi zatek 20 an um ih zatek in an thang rero tiin a sim.

          Africa ah Catholic kohhran cangvaihnak ah phur zet in caan a rak hmang. Catholic mi mino tampi an umih Pope Francis in Africa hrang thlacam nak khal a nei. Holy See Press Office director in Pope ih DRC (Remocratic Republic of Congo)  ih khualtlawnnak ah buainak a tam mi Kivu saklam Goma ah a tlawng ding. Cutawk hmun ah siatsuahnak pawl a um bet.

          "Amah le mah hrang a thinphan ruangah asilo" asinan Amah thawn Missa raithawi dingah a ra tu pawl zohman harsat nak tuar lo ding a duh ruangah asi tiin Bruni in a sim. Pope Francis cu thlang Sudan ih Christian pawl tlawng a duh zet asinan an ram ih a remcang lomi dinhmun ruangah a tlawn nak ah buaibai nak a um.

          Burni in 2019 lai Vatican ih thlarau lam retreat tuahnak ah thlang Sudan hotu pawl le thunei tu pawl a rak hoha ih an ram pi ah remnak pe dingah khuk bil in zangfah a rak dil.

          2018 ah leitlun ih a nautabik ram ih remdaihnak um dingah dinhmun in a pek lo ih kumnga sung doawknak ah mi 400000 an nunnak an rak liam. Asinan cozah buainak, farahnak, huat awknak le nikhua thleng nak pawl ruangah mipi pawl a rak siatsuah ih ukawknak tha lo, tuahmawh nak pawl an tuar. Himi thuthang cu Vatican thuthang ihsin kan don mi a si.

https://bit.ly/3XF2qpq

Add new comment

2 + 15 =