Pope Francis in Caucasus ah remdaihnak hrang zaangfah dil nak thu a sim bet. November 4, 2020

Pope Francis in Caucasus ah remdaihnak hrang zaangfah dil nak thu a sim bet.

November 4, 2020

          Pope Francis cu Nagorno Karabakh ram sungih a cang rero mi el awk nak hrang remdaih ten a phi hawl dingah Armenian le Azeri thu nei tu pawl zaangfah a rak dil. Pope Francis in thih le hlohnak le harsatnak tampi a cang ter tu Armenian le Azerbaijan karlak ih el awk nak cem nak hrangah Zarhpi ni ah zaangfah dil nak ca a rak suah.“Mithianghlim pawl ih Puaini” ah St. Peter tualrawn ih Angelus thlacamnak cam theh ah Pope Francis in tu ni puai ni ah hriam hrei kahawknak cu ral buai rem daihnak thawn a cawl mi Nagorno Karabakh ih a cang mi pawl hngilh a ngah lo thu a rak sim.

          A mah cu miharsa mipum karh nak, inn siatsuah nak tam nak, inn pawl le raithawinak hmun pawl siatsuahnak a tam thu sim in khuapi pawl do nak a than rero thu a rak sim.

Thu nei tu pawl le ram tinkim ih pawlkom pawl hnen zaangfah dil nak

          Pope Francis in thu elawk nakah tuanvo nei tu party pawl hnenih sual nei lo thi luan nak a cang ter tu thu el awknak cu zamrang ten cawl ding le zamrang ten tuah sak dingah zaangfah ka lo dil duh bet.Thu el awknak cu tuah mawh awknak thawn rem sal ding ah zuam hlah uh. Asinain, ram tinkim pawlkom in bawm nak thawn thinlung tak ih ruah khawm nak pawl ih tuan ve dingah ruah nak pe phah in a rak forhfial.

          Pope Francis in farah harsatnak a tuar tu zate thawn nai ten a um thu, khua sung remdaih nak ngah dingah Mithianghlim pawl zate hnenih thlacam dingah khuapi pawl a rak sawn. Pope Francis in September 28 ni ih Angelus thlacam caan ah Nagorno Karabakh ih a cang mi thu el awk nak ruat tlang in a phi hawl dingah zaangfah dil nak le a khua ruah har nak a lang ter thu a rak sim.

Khat le khat mawh puh awk nak

          Tikcu hmunkhat ah Armenian le Azerbaijan pawl cu thu el awk nak a cang rero mi Nagorno Karabakh le a kiangkap ih um mi pawl hnenah tumtahnak nei zet ih ret mi ih hrial thei dingah lungkim nak ca thlah phoih nak thawn minung um nak inn pawl ih bomb puah nak pawl hrangah khat le khat an mawh puh aw. Ram pahnih karlak ram dang ih minister pawl le France, Russia, America pawl ih thlah mi pawl karlak, Geneva khuapi ih thurelkhawm nak theh ah thu el awk nak felfai ter dingah netabik lungkim nak cu zarhte ni ah nazi pakhat sungah ram pahnih in an sim.

          South Caucasus ah kum 25 luan sung a besia bik mi do awk nak pawl ruangih a thi tu 1000 luan an um zo a si. Hi mi thuthang cu Vatican thuthang ih kan ngah mi a si.

https://bit.ly/2I1wASc