Pope Francis in a cawl zo tu Pope Benedict XVI hrang hleice tak ih thlacam sak dingah zaangfah dil.

pope_benedict_16_dam_lo

Pope Francis in a cawl zo tu Pope Benedict XVI hrang hleice tak ih thlacam sak dingah zaangfah dil.

Dec 28, 2022

          Pope Francis cu mizaan ah leitlunhuap ih thleng tu khawmzawhtu pawl thawn an rak tonawk lai ah Sales khuapi ih St. Francis ih nunnram cem kum (400) kim ni a rak mangsal. St. Francis sunloihnak thawn capi pakhat a rak suah thu khal a rak than. Cui capi cu ‘Everything Belongs to Love’ (ziang tinkim cu duhdawtnak thawn a sai) ti mi thulu a pek. ‘A thianghlim mi Nu Pawlpi ah ziang tinkim cu duhdawtnak thawn a sai. Duhdawtnak ah a nung. Duhdawtnak thawn a tuah. Duhdawtnak thawn a cang. Kan zaten a mawi zet mi hi duhdawtnak lamzin kan zawh a tul.

          Tui ni cu Christmas thehhnu nithumnak a si. Curuangah Pope in Christmas thuhla a rak ruat. A hleice in cawrawlkuang thuhla a rak simfiang. Ziangah tile Mithianghlim Luke in a duhsan famkim ten a rak sim. Vancungmi in Bawi Jesuh a suahnak thu a than tikah ‘feh uhla va hawl uh! Nan theih thiamnak dingah cawrawlkuang sungah an hlum’ ti a si.

          Cawrawlkuang cu a langsar mi hminsinnak a si. Bawi Jesuh ih dinhmun cu ‘Cawrawlkuang, lamzin a si. Hi thuhla cu Siangpahrang ih dinhmun a si. Cui thlacamnak a cemnak lam ah a cawl zo tu Pope Benedict XVI hrangah a hleice ih thlacam sak dingah zaangfah a rak dil sak. Pope Benedict XVI in dai ten Pawli a sawmdawl rero. Pope cu a besia rero. Pathian ih hnem dingah thlacam sak uh. Pawlpi duhnak teette cu a cemnet tiang hlen dingah thlacam sak uh. Pope Francis in Pope Paul VI hall ih a suah hlan te ah cui hall sungih sak mi Naute Jesuih inn ah feh in thla a va cam ta.

          Hi thuthang cu Rome Reports thuthang ih kan ngah mi a si.

https://bit.ly/3GpgYmN

Add new comment

1 + 16 =