Pope Francis in Christma thapeknak ih laksawng cohlang dingah mino pawl sawm. (January 27, 2024)

Pope Francis in Christma thapeknak ih laksawng cohlang dingah mino pawl sawm. (January 27, 2024)

          Pope Francis cu Christma thapeknak a ngah tu ding mino pawl thawn an rak tongaw ih Sacrament ih thupit zia le Baptism lak lai ih thukamnak tuah mi pawl le cu mi pahnih karlak ih a thuk zet mi pehtlaihnak khal thupit in a rak sim.

          Pope Francis cu Christma thapeknak Sacrament ngah dingih timtuah rero tu nauhak pawlkom pakhat thawn Zarhte ni ah an rak tongaw. A hmuahnak langternak ah, Pope in nu le pa, an sungkua pawl, saya pawl, le Bishop Giuseppe Satriano te cibai buuknak a rak nei.

          Pope Francis in an tonawknak ah Baptism an rak lak ni an theih lo theih lo nauhak pawl thusuhnak thawn a rak thok. Hi thusuhnak thawn, kumtin tuah theu mi ni, suah ni pahnihnak ni ruahnak pephah in hi a thupi zet mi tumtahnak langsar ter dingah nauhak pawl le mino pawl a rak forh. “Phayawngtaing van mi cake pakhat khal ei uh; cake hlei khal a thaw ko,” tiah Pope in a rak sim bet.

          Pope cu, “cui ni ah, Bawi Jesuh hnenah kumkhua daih a um mi nunnak, Christian nunram ah kan suak,” tiah sim phah in Baptism ih thuk zia lang ter dingah a rak feh. Cui ni ah, “Pawlpi ih a sunglawi zet mi innsang ah kan lut ih Thiang Thlarau cukan hnenih um dingah ra in ziangtik hmanah in tan ta lo ding; cule netabik ah Paradise um nak hlawnthil tumbik kan co ding,” tiah a rak sim bet.

          Pope in, “a kum 15 ah a rak thin an Bawi Jesuh a duhnak thawngin thatnak a taanta tu, Milan ih mino, Carlo Acutis ih tahthimnak sim phahnak thawn a thuhram pi a rak thok. Carlo in, thlacamnak, teette khaannak, le farahnak tuah phah in Gospel thuthangtha a karhzai thei nak dingah internet a rak hmang. Curuangah nau le pawl, Christma thapeknak nan lak ni ih thukamnak nan tuah vek thotho in tuah dingah lo forhfial ka duh,” tiah Pope in a rak sim bet. Bawi Jesuh hnenah feh uhla a mah tong uh; cule kan hrangah cat bang loin in hngak ih in duhdawt ruangah a mahthawn um tlang a nuam zia thu mitin hnenah sim uh.

          Netabik ah, Pope Francis in mino pawl hnenah, Bawi Jesuih hnen fehnak ding, Christma thapeknak an lak ding ni a nai deuhdeuh vekin, “Bawi Jesuh ih in duhnak le in hngah ringring thu” phuang phah in a duhdawtnak tep uh tiah a rak forh ih “Bawi Jesuh thawn umtlangnak ih mawi zia le in duhdawt zia cat bang lo ih teette khaan tu si ringring hram uh,” tiah a rak thangphawk.

          Hi thuthang cu Vatican News ih kan don mi a si.