Pope Francis in Christmas ih a hman mi lian nak taktak hawl dingah a forhfial.

Pope Francis in Christmas ih a hman mi lian nak taktak hawl dingah a forhfial.

          Pope Francis in December 3 ah naute Jesuh a suahnak zuk pahnih le Christmas thingkung a hlu tu, aiawh tu pawl hnen Christmas ih a dik mi liannak taktak (a muril) hawl dingah a rak forhfial. Pope in “himi in a hman mi farah nak, naute Jesuh a suahnak zuk in Christmas ih a hman mi liannak hawl dingah in bawm. Tlaitlung nak le nelawk nak, naute Jesuh a suahnak zuk in sumdawnnak le hman nak ih a phun dang mi Christmas pawl a kaikhawm sal.

            Amah in Guatemala, Latin America ram ihsin zuk lem tuah thiam mi 30 luan lai ih tuah mi naute Jesuh a suahnak zuk thluasuah a pe. Himi ah a tum zet mi sui lukhum khum tu Thianghlim Mary le Joseph le vancung mi pawl ih kulh  mi naute Jesuh a um.

            Guatemala ih ramdang thawn pehpar mi minister Mario Bucaro in Paul VI hall khan ih  naute Jesuh zuk caanserh ih a tel tu pawl a rak hoha. “Christmas hrang Guatemala ih laksawng an pek nak, pumpak ten Pope Francis peknak, a mawi zet mi kut thiam le Vatican ih naute Jesuh zuk caanserh ah kan ram kan tel nak a hmaisabik thuanthu um tlak asi” tiin Bucaro in a sim.

            Pope in naute Jesuh suahnak zuk ih ti duh san a sim ih, “kanmah pakhat ciar minung sinak in naih dingah Pathian fapa a suahnak a si” tiin a sim. “Himi in Pathian thawn nel aw dingah, lungnem zet ih a suah sal nak, tangdor zet ih a suahnak thawn puan nem ten an tuam” tiin Pope Francis in a sim.

            Pope in naute Jesuh a suahnak in daiten, thlacamnak le thuk zet in ruat dingah kan zaten in forh. “Christmas kan tuah duh taktak asile naute Jesuh a suahnak ih mangbangza le thil fate mi ih mangbangnak, Pathianih fapa amah le mah mi tenau ah tuah aw in ropi zet in suak loin farah nak in a rong tum tu ruat dingah” Pope Francis in a sim.

            Guatemala ih naute Jesuh a suahnak cu Paul VI hall ah Bawipa Jesuh an ap nak puai January 8 tiang ret ding a si. St.Peter  tual rawn ah cun Italy ram saklam Friuli-Venezia Giulia ih alpine cedor thing ih tuah mi zuk pawl cu Vatican lenglam ah an ret ding. Cui thing thawn tuah mi dawl mi sungah Mary, Joseph, naute Jesuh, vancungmi, laksawng pe tu pawl, tuukhal, innsang, nauahka, caw le laak pawl an tel.

            Pope in Christmas thingkung ih meisa in a thim mi kan nunram ah tleu dingih a ra tu, kan sualnak, kannat nak, kan tihnak pawl in philh sak tu Bawi Jesuh in mang ter. Pope in kan nunram a hrampi raltha ding a tul thu a sim. Paul VI hall ih Christmas thingkung ih meisa cu Cardinal Fernando Vergez Alzaga ih hoha nak thawn ruahsur lak le thli hran glak ah an rak tuah. Christmas thingkung cu pi 100 lai a sang ih Abruzzu ram lai fang tlang ih khua te Rosello ih hlut mi a si. Himi thuthang cu RVA thuthang ih kan don mi a si.

https://bit.ly/3USIpcZ