Pope Francis in Christmas Puai cu kan zumnak a phen tu leitlun thilri hrekkhat pahsuak thei dingah in sawm rero thu a rak sim. December 23, 2020

pope_francis_in_christmas_puai_cu_kan_zumnak_a_khuh_ih_a_phen_tu_leitlun_thilri_hrekkhat_pahsuak_thei_dingah_sawm.png

Pope Francis in Christmas Puai cu kan zumnak a phen tu leitlun thilri hrekkhat pahsuak thei dingah in sawm rero thu a rak sim.

December 23, 2020

          Pope Francis in, “Christmas Puai cu kan zumnak a phen tu leitlun thilri hrekkhat pahsuak thei dingah in sawm rero thu a rak sim. Cui hlei ah hi tikcu caan cu kan thuanthu lan in a tha sawn mi hmailam caan in on sak tu Pathian ih tumtah mi ruat sal dingah Christian pawl in sawm,” tiah a rak sim.Bawi Jesuh ih rak tlan len nak a thupit thu Christian pawl ralrinnak in pek.Tui kum cu leitlunhuap harhdamnak lam buainak pawl karlak ah Christmas Puai cu ruahsannak cu keng thei dingah bawm nak in rak pe thei.

Pope Francis in thuthangtha a tawi zawng

          Duhdawt zet mi u le nau pawl, Christmas tikcu caan a nai vivo vek in kan nih cu Vancungmi in Bethlehem khuapi ih um thuukhaal pawl hnenah “tih hlah uh! Nan mah rundamtu cu tui ni ah a suak zo,” ti mi lungawinak thuthang thei sal dingah timtuah cia uh.Tuukhaal pawl vek in kan nih khal leitlun ih a tleu zet mi Pathian ih kumkhua tleunak a si mi Bawi Jesuh hawl hmuh thei nak dingah Bethlehem khaupi ah thlarau lam khualtlawnnak lam tluan ih feh dingah in sawm. Christmas tikcu caan cu kan zumnak ih a thupi zet mi “tongkam cu minung ah a cang ih kan mah thawn a um thu a hloral ter tu leitlun thilri hrekkhat pah suak thei dingah in sawm rero.Cu mi cu kan thuanthu lan in a tha sawn mi hmailam tikcu caan in on sak tu Pathian ih kumkhua a tumtah mi in mang ter.

          Tui kum leitlunhuap harsatnak pawl karlak ah Christmas Puai in kan hmailam tikcu caan zoh in Naute ih in pek mi ruahsannak pom thei dingah bom nak in pek. Kan nih cu Christmas thuhhla kan rak ruah mi vek in kan rundamnak hrangah minung si nak a lak tu Pathian ih tangdornak a si mi a duhdawtnak le a mi nel nak khal mang hram hai seh. Hi Christmas cu kan mai nunram thawn milai pawl ruahsannak le lungawinak thar keng thei dingah kan mah pakhat ciar ah Bawi Jesuh a thar in suak hram seh. Netabik nak ah Pope Francis in mirang tong in a sim mi cu zumtu pawl hnenah nel aw zet in cibai a buuk thu, Christmas tikcu caan ih netabik ni pawl ah Bawi Jesuh ih lungawinak le remdaihnak cu nan par ah a um thu le Pathian thluasuah a lo pek ding thu thlacam phah in a thusim a rak cawl.

          Hi thuthang cu December 23, 2020 ah Rome Reports thuthang ih kan ngah mi a si.

https://bit.ly/3aSJs9c

 

Add new comment

8 + 3 =