Pope Francis in Congo ih a cang mi doawknak a mawhthluk (October 27, 2022)

Pope Francis in Congo ih a cang mi doawknak a mawhthluk

(October 27, 2022)

            Ral le tuahmawhnak pawl besia zet ih a cannak Africa ah remdaihnak din dingah kan dung tlangkai nithum St.Peter tual ih a thleng tu khawmzawh pawl thawn an tonawknak ah Pope in a cah. Congo ram ih a cang mi tuahmawhnak cu kanmah pawl thinphannak thawn kan zoh tiin a sim.

Tuahmawhnak ruangah bang asi zo.

            Pope dinhmun in Maboja ih a cang mi humtu nei lo pawl ih thihnak cu ziangtihman in pom a theih lo thu, a thi tu pawl sungah harhdamnak lam tuamhlawm tu Sr.Sylvie Kalima khal a thi. Nunnak cem tu pawl, riahsia ih a um mi an innsang pawl, cuvek dinhmun a tong tu Christian pawl, cutawk hmunih a ummi pawl hrang khal thla  a cam sak thu, ralbuainak a rei ruangah an bang zet zo thu a sim.

            Tlawngkai nithum zan ah Maboya khua cu tuahmawh an tuar. Himi tuahnak cu "the Allied Democratic Froces (ADF)" Democracy a duh tu ralkap pawl kom thawn a kom aw mi Congo Islam misual pawlkom ih tuah mi a si. Mi do tu pawlkom cu siizung an hmui tin mi a si. Tuamhlawm rero mi minaa pawl, hnatuan tu pawl nunnak an liam. Sii pawl, siivai thilri pawl khal an la ih innpi an ur.

            October 4 khalah ramthen pakhat asimi Kainama khuaih Christian 20 thah an tuar. Himi pawlkom cu saklam Kivu le Ituri ramthen pawlah tuahmawh nak an tuar ringring. A liam zo mi February khalah an tlawng ih a tlung tu Catholic Puithiam pakhat thah a tuar.

            Diocese Bishop Melchisedee Sikuli Paluku in thil a cangnak thawn pehpar in tong in sim thiam ding khal asi lo thu, Diocese dinhmun in a tuvekih tuah mawhnak an mawhthluk thu, himi tuahmawhnak cu nunnak cem nak lawng san a neih thu, Sr.Dr pakhat khal a thih thu a sim. Pope Francis cu Congo ram ah khualtlawng dingah a um thu le Congo mi pawl kiang nai te ah a um thu a sim. Himi thuthang cu RVA thuthang ihsin kan don cvmi a si.

https://bit.ly/3Whg55V