Pope Francis cu Bible thiam mifim Cardinal Albert Vanhoye a nunnak a cem ruangah a thin nuam lo. July 31, 2021

Pope Francis cu Bible thiam mifim Cardinal Albert Vanhoye a nunnak a cem ruangah a thin nuam lo.

July 31, 2021

            Pope Francis cu July 29, kum 98 ih a nunnak a cem tu France Cardinal Albert Vanhoy hnen kan dung tlawngkai ni nga July 29 ah ca thawn upat nak pe in a thinnat nak thlacam nak ca a kuat. Cardinal khal Bible thawn pehpar aw asile "a thiam nal zet mi Bible mifim" tiin khal a sim. Amah cu Cardinal zate lakah kum upa bik khal a si. Cumi ca sungah "Cardinal ih a thih nak thu a theih ruangah nanmah thawn khal siseh, Jesuit kaing zaten thawn siseh, Cardinal ih innsang pawl, Cardinal ih a nel mi a duhdawt mi zaten thawn a tuar tlang thu le duhdawt ih upat tlak mi Pathian hnen siseh, Kohhran pi hnen siseh, Kohhran hrang siangzet ih a pumpek nak thinlung thawn rian a tuan nak a nau le pawl hang khal thla a cam sak ding thu, Pathian hnatuan tu pakhat dinhmun in phur zet ih a tuan nak pawl hrangah a luang a awi. Amah cu St.Ignatius ih thlarau lam ca vekin zir nak ah a tha zet mi saya, a cekci mi Bible mifim, upat tlak zet mi Bible, phunsangtlawng ih uk tu khal asiih, Pope zung (Roman Curia) khal ah hna tuan tu, cazir nak lawng ah asilo. Thusimnak, lam hmuh nak khalah thinlung thawn phur zet in a tuan tu, Gospel cathianghlim ah thinlung bun in a nung duh tu a si" tiin a sunloih.

            Amah cu France ram sak lam Hazebrouck ah (1923, July 24) niah a rak suak. 1941 a kum 18 ah Jesuit kaing ih lut dingah tlangpar lamah feh in France ram nitlak nak tlanglam ih Vignau ih a feh tu a si. Himi feh nak cu mino pakhat hrangah cui san ah tih a nung mi khual tlawn nak a si. Ziangruangahtile France ram ih ram cu Nazi pawl ih uk an si caan a si. Cardinal cu cumi ram ah a thup ten a feh. Cutiin rak kai ngah pang hai sehla amah cu nazi daan a hmang tu Germany ah kuat ding a si. Amah cu Philosophy le Theology ca cu Belgium ram, Enghien khuapi ah a zir ih 1954 July 26 ah kumkhua Siangbawi cannak a lak.

            Bible ca ahleice in zingzoi dingah 1956 kum ah Rome ah cazir dingin thlah a si. Amah cu Bible ahleice zir nak phunsangtlawng Biblicum ah doctor buaih a rak ngah. A tuah mi Bible ca cu Hebru cathianghlim a si. A har zet mi ca a si. Jesuit pawlkom pakhat tiin a thukam nak cu 1959 February 2 ni ah tuah a si. 1962 ah Bible ca thawn doctor buaih a ngah nak Biblium ah professor tiin hna a rak tua. Fimthiam nak lam hotu tiin khal 1969-1975 tiang siseh, tlawng uktu tiin 1984-1990 tiang a tuan. Amah cu1979 "apostolic constitution Sapientia Christiana" ngan nak ah siseh commission pawlkom sungtel a si. Pope ih Bible lam commission khalah secretary tiin siseh, 1993 kumah ca suah mi "The interpretation of The Bible in the Church" 2001 "The Jewish People and their secred scriptures in the Christian Bible" pawl a rak bawm.

            Khristian pawl lungrual nak ding zung, Catholic fimthiam nak commission zumnak lam zirh nak zungah thuron mi tiin hna a rak tuan. France tong a hmang tu Europe nitlak nak lam ih Jesuit Siangbawi palw in Pope dinhmun in Pope ih capi ah Bible thawn pehpar mi an bet duh tikah siseh, Bible thawn pehpar aw in el awknak a um a si khal le Cardinal kha ko in thurel khawm in ruah nak an dil thu an sim. Pope cu Cardinal ih cawl loin hna a tuan nak, a tangdor nak, Kohhran that nak hrang lawng a ruat ringring tu a thinlung a rak duh zet.

            2006 February 22 ah Popein a cawl zo tu in Cardinal tiin a rak hril. Pope in Jesuit pawlkom pawl cu "a great exegete" (Jesuit pawl cu Bible lam ih a thiam nal tu" tiin a rak lawm. Amah cu Cardinal tiin kum 80 luan ah hril asi nak cu Kohhran hrang a pek awk tuk nak, rinsan a tlak nak, zohthiam tlak mi a pek awk nak ruangah a upat tuk ruangah asi thu" Pope ihsin a cawl zo tu in a sim. Cardinal tiin 2006, March 24 niah hril a rak sinan Cardinal pakhat a tuan ngah lo. Bishop sinak la sal dingah a tul lomi a danglam mi caan tha a rak ngah. 2008 ah Pope in amah cu Pope ih hnatuan pi mi pawl "vua caan" ah kum tin tuah mi "Pathian thu ruah nak" (Annual retreat) thusimnak ah a sawm. Cumilaiih a thu sim mi cu Hebru cathianghlim ih a um mi Bawi Jesuh ih Puithiam sinak kha ruat in a sim.

            Vatican ih thuthang asimi L'Osservatore Romano ih thusuh nak pakhat ah "Hebru cathianghlim cu Khrist Jesuh ih Puithiam a si nak cu fiangten langter nak pakhat lawng a si mi ca a si" tiin a rak sim dah. Bible ca ngan tu in Bawi Khrist ih Puithiam sinak a lang ter nak ah archiereus ca a hmang. Himi ih a ti duh san cu "priest head" Puithiam ih hotu tiin a si. Himi cu Khrih ih a um nak Puithiam si nak famkim zet in a lang ter. Bawi Khrih cu Pathian le minung karlak a pehtlaih tu a si. Amah in Pathian thawn in kom ter. Cardinal vui nak caanserh cu Cardinal pawlkom ih a pahnih nak tuanvo nei tu Cardinal Leonardo Sandri in hoha in St.Peter biakinn ah July 31, zianglam 11 ah Missa raithawi nak a tuah sak. A tu ah Cardinal a thih nak ruangah a tu a tang lai mi Cardinal 220 lawng an tang ih cumi lak ah Pope hril thei nak ih mee pek thei nak a nei tu Cardinal 123 lawng a tang. Himi thuthang cu Vatican thuthang ihsin kan don mi a si.

https://bit.ly/3xfBBdn