Pope Francis cu Hungary ih Jew pawl thawn tong aw

Pope Francis cu Hungary ih Jew pawl thawn tong aw

            Pope Francis cu mani Zarhpi ni ah Hungary le Slovakia ram pawl ah tuukhal khualtlawnnak a thok zo. Pope cu a ril pi an khuai hnu lam hla khual tlawn nak cu aveikhat nak a thoh nak a si. Pope cu a khual tlawn nak a thlen hlan ah kutthiam pawl museum ah feh in kohhran 11 aiawh tu pawl thawn an tong aw. Himi Kohhran 11 ah Catholic a tel lo. 2019 ih cazin an lak nak vekin Hungary miphun ih zatek 62 cu Catholic Kohhran an siih, zatek 20 cu biaknak nei lo pawl an si. Zatek 5 cu Protestant pawl an si. Zatek 8 cu a dang biaknak a zum tu pawl an siih, zatek 2 cu khui mi biaknak ka zum tiin simrel nak a nei lo tu pawl an si. Cui Jew miphun pawl aiawh tu pawl cu Pope thawn tonawk tu ding Khristian Kohhran hotu pawl thawn an tel ding. Jew miphun pawl a burbur in an thah caan ah Hungary ram ih Jew miphun 565000 thah an tuar tiin an sim. A tu ah Hungary ram sung Jew miphun 10000 ihsin 15000 hrawng an um tiin zum a siih, a tamsawn cu Hungary khualipi Budapest ah an um.

https://youtu.be/vxYM8lPpotA