Pope Francis cu Jerusalem ihsin Latin daan a hmang tu Bishop hnen orh ding pek. October 29, 2020

Pope Francis cu Jerusalem ihsin Latin daan a hmang tu Bishop hnen orh ding pek.

October 29, 2020

              Pope Francis cu Pope Paul VI ih hall ah khawmzawh pawl thawn ton aw in thla a cam ih Jerusalem ih a thar hril mi Bishop Beatitude Pierbattista Pizzaballa hnen pallium orh ding mi a pe. Himi a sunglawi ih, thuhla a famkim mi caanserh cu Pope um nak Santa Marta biakinn fate ah tuah a si thu, Nu Pawlpi ih Canon upadi no.437 vekin Archbishop ih hril hnu asilole cui Bishop cu Bishop sinak a la zotu asinan himi orh dingmi an hrilawk hnu thla thumsung ah Pope hnen ihsin mah rori asilole midang hnen in siseh ngah a tul.

              Himi orh dingmi cu Archbishop in tuanvo a lak mi hmun sungah thil ti thei nak cu a lang ter. Cutivekin Roman Catholic Pawlpi thawn pehpar awk nak asi thu khal a lang ter. Pallium cu Latin tong in a siih, hruk mi asilole sin mi tiduhsan a si. Himi orh mi cu tuu hmul thawn tah asiih, Pope in cui orh mi cu Archbishop pawl a orh sak theu. Himi orh mi cu Rome ih Bishop asimi Pope ih thu hnuai ih um timi lang ter nak hminsin nak le thu neih thei nak thu khal a lang ter. Pope cu October 24, 2020 ah Archbishop Beatitude Pierbattista Pizzaballa kha Jerusalem ih Archbishop tiin hril nak asiih, amah cu Jerusalem                    Diocese ih a pahra nak Archbishop a si. Latin daan cu Jerusalem ah kum 1847 kumah an hmang thok. Bishop Beatitude Pierbattista Pizzaballa in amah ih Diocese ih thu a sim nak ah "himi orh mi cu kanmah pawl baptism co nak thawn Bawi Jesuh ih tuar nak, thinglamta phur dingah hril nak cu ralrin pek nak a si. Himi phurh nak cu duhdawt nak thawn phur in thi dingah le thih nak ih khatlam tiang tettikhan dingah a si" tiin a sim. Himi thuthang cu Vatican thuthang ihsin kanngah mi a si.

Photo courtesy of: ANSA

https://bit.ly/3oIRVQP