Pope Francis cu Kawlram, Ukraine le Cameroon ram ih remdiahnak hrang thlacamsak dingah forhfial (September 16, 2022)

pope_francis_in_myanmar_ukraine_le_carmeroon_ram_hrang_thlacam_sak_dingah_pope_in_dil

Pope Francis cu Kawlram, Ukraine le Cameroon ram ih remdiahnak hrang thlacamsak dingah forhfial

(September 16, 2022)

            Pope Francis cu zarhpi ni sunlai Angelus thlacamnak cam hlan dik loih tuahmawhnak, mipi pawl hrang upadi um loih thahnak, um nak hmun ihsin tlan nak pawl a cang rero mi Kawlram mipi pawl ih harsatnak hngilhlo, ziang ih rel loin um lo dingah a cah. Pope cu Kawlram hrang a thin a phang thu, ziangruangahtile a tha zet mi ram cu hriamhrei thawn kap nak pawl, tuahmawhnak pawl ruangah mipi pawl thisen a luannak cu kum hnih a luang zo. Tuikar ah nauhak pawl khal bung thawn kapnak ruangah mino pawl an nunnak an liam ih tah aw pawl theih a si. Mi harsa pawl ih tah aw thei uh. Hivek ih tuahnak tha lo neta ah cang ter hlah uh tiin a sim.

            Daw Aung San Suh Kyi hoha mi party in an neih ih February 1, 2021 ah ralkap in dik loin thuneihnak an long ih cui sin thokin Kawlram mipi thawng tampi ralkap ih besia zet ih thahnak an tuar. UN ih thiamnal pawl ih an sim nak vekin ram sung ral buainak ah a hruai ih, mi thawng tampi an that.

Ukraine

            Pope in pehbet in Ukraine ram dinhmun thawn pehpar aw in an thin a phang ih, Ukraine mipi pawl thawn naiten a um thu, kum caan a liam ih ralbuainak ih san hawl dingah a forhfial. Remdiahnak Bawinu ih thlacam sak nak khal dil in, dik lo nak a do leh tu Ukraine mipi pawl tha pe in hnem dingah, ramtin hotu pawl hnen khal himi buainak zamrang ten felfai ter dingah thazang pe ding ah, ralbuainak khal cawl loihli dingah tha a cam sak.

Cameroon

            Pope Francis cu Cameroon ram hrang khal thlacam dingah a forhfial. Ziangruangahtile Cameroon Catholic pawl ihsin kaih tuar mi (8) an run thei. Cui kaihtuar mi 8 lakah 5 cu Catholic Puithiam pawl an siih, Sister pakhat khal a tel. Anmah pawl cu Mamfe Diocese ihsin an si.

            Pope in “kaih tuar pawl le him lo zet ih ummi mipi pawl hrang thla  a cam sak thu, Pathian cu an thinlung ih remdaihnak le ramsung ih nunphung a phunphun pawl hrang thla a cam sak thu a sim. Puithiam pawl le Sister pawl kaih an tuar thu cu hmin theih lo pakhat in a theih ter ih cui pawlkom thotho in biakinn khal tlawngkai ninga ah an ur kang. Hi thil cang nak hmun cu Cameroon ih nitlaknak lam ah a si. Himi thilcang cu Bamenda ih Catholic Bishop pawl in an than. Mamfe Diocese cu ram ih nitlaknak thlanglam ah a um. Hi hmun cu a rem lo mi hmunhnih lakih pakhat a si. Himi hmun ah 2017 ihsin thokin federal cozah ih thu, aana a cohlang lo tu pawl an si. Himi thuthang cu RVA thuthang ihsin kan don a si.  

https://bit.ly/3xXY8i4

 

Add new comment

12 + 1 =