Pope Francis cu khawmzawh pawlih ken mi huham a nei mi thri orh mi Bawinu zuk thluasuah pek November 15, 2020

Pope Francis cu khawmzawh pawlih ken mi huham a nei mi thri orh mi Bawinu zuk thluasuah pek

November 15, 2020

            Tlawngkai ni thum ni khawmzawh pawl thawn tonawknak caan thawh hlanah Pope Francis cu khawmzawh pawl ken mi huham a nei mi Bawinu zuk thluasuah a pe. Pope ih thluasuah pek nak cu san a nei tuk. Ziangruangahtile a tu vekin Bawinu ih zukken asi nak cu France ram ah Bawi nu cu St.Catherine Laboure hnen lang nak a hmuh nak kum 190 a kim ni khal a si. Pope in Bawinu zuk thluasuah a pek nak ih duhsan cu khawmzawh pawlih an thinlung sungih ruah nak cu hi ti-in a sim. Tomaz Mavric amah cu St.Vicent amah rori ih a din mi pawlkom ih a sangbik mi hnatuan tu a si. Pope in covid nat ruangah khawmzawh pawl thawn hlapi ah um asi ko nan a tu vekih ngaihsak nak ruangah Pope in kan St.Vicent innsang, St.Vicent ih thlarau lam hruai nak, St.Vicent de Paul ih thlun ding mi pawl thawn naiten a um nak khal a ruah" tlangnak an nei.

            Amah cu a tui Bawinu zuk a keng tu khawmzawh tu Pawlkom a hoha tu asi. St.Catherine hnen Bawinui langnak a hmuh nak cu kum 1830 ah a si. Cui caan ah France ram cu ral buai nak le pulhnat nasazet ih an tuar lai caan a si. Kum 190 a luan hnuah St.Vicent Pathian riantuan pawl cu Italy lamtluan ah Bawinu ih zuk keng in khawmzawh nak in covid-19 pulhnat tuar tu pawl, cui nat ruangih thinlung bang pawl hrangah ruahsan nak, upat pek nak, zum nak pawl thang ter duh nak tumtah nak ih an tuah mi a si.    

            Khawmzawh nak program vekin an ken mi Bawinu zuk hmai ah Pope Francis ih thluasauh pek nak sanhnu Italy ramtluan ah keng in khawmzawh ding a si. Himi khawmzawh nak program cu December 1 in an thok ding. Himi khawmzawh khualtlawn nak cu kumkhat sung tuah ding tiin can an suai. Himi Bawinu zuk cu Italy ram sung khawhhran tampi um nak hmun ah an ret ding. Bawinu zuk atu vekih keng nakin Bawinu cu kan zaten Bawi Jesuh thi le sa upatnak pulpit ih feh dingah sawm nak a si thu, cutivekin a tui a cang rero mi nat ruangah harsat a tuar tu pawl bawm thiam dingah Catholic zumtu tinkim theih thiam duh nak ruangih an tuah mi a si. Himi thuthang cu Rome Reports thuthang ihsin kan ngah mi a si.

Photo courtesy of : Rome Reports

https://bit.ly/3kADjQg